KERASAN PRISHTINA - VËLLAZNIMI
TOPSPORTI / A.P
Vëllaznimi vazhdon rrugën pa humbje
29 November, 2019 @23:21
Skuadra gjakovare, Vëllaznimi, nuk ka pësuar as në ndeshjen e shtatë të stinorit.
Kuqezinjtë e mposhtën Kerasan Prishtinën me rezultat 63-78.
Pesë lojtarë te Vëllaznimi luajtën me pikë dyshifrore. Amerikani Xavier Newson ishte më i dalluari me 20 pikë e 16 kërcime, derisa u ndihmua nga Bujar Qeku me 17 pikë e 18 kërcime, Genis Mati me 12 pikë, Arion Balluku dhe Bleonis Tanushi me nga 10 pikë të tjera.
Te Kerasan Prishtina u veçuan Endrit Berisha me 23 pikë e 7 kërcime dhe Shpat Mustafa me 15 pikë e 4 kërcime.
Vëllaznimi me 7 fitore e 0 humbje është skuadra e vetme pa humbje në Ligën e Parë deri më tani, derisa Kerasani ka bilanc prej 3 fitoreve e 3 humbjeve.
Skuadra gjakovare në xhiron tjetër pushon, kurse Kerasan Prishtina përballet me Prishtinën e Re.
