Vojvoda: Besojmë në fitore, edhe pse s’do të jetë lehtë

Mbrojtësi i suksesshëm i Kosovës, Mërgim Vojvoda, ka thënë se besojnë në fitore edhe pse s’do të jetë lehtë.

“Na ka munguar shumë Kosova, për shkak të situatës nuk jemi grumbulluar qysh moti dhe këto ditë do të forcohemi fizikisht dhe taktikisht për dy ndeshjet e radhës.

Si gjithmonë besojmë në fitore, por nuk është e lehtë, edhe pse Moldavia nuk është një kombëtare si Greqia por është një kombëtare e mirë,” u shpreh Vojvoda.

Kosova ndeshjen e parë në Ligën e Kombeve do ta luajë kundër Moldavisë më 3 shtator, kurse me 6 shtator kundër Greqisë në Prishtinë.