WERDER 0-0 MONCHENGLADBACH
Werderi i pafat sonte, Rashica 86min në barazim
26 May, 2020 @22:50
Werder Bremen u desht të pajtohet me një pikë sonte në WeserStadion ku dëgjoheshin britmat e tifozëve nga altoparlantët.
Pa gola në një natë ku pjesa më e madhe e ndeshjes ishte në favor të vendasve, ndërsa Milot Rashica pati dy raste të mira për të shënuar.
Skuadra e Florian Kohfeldt ishte thjesht e pafat dhe mungesa e një 9-sheje para portës kundërshtare u vërejt, pasi që ekipi pati edhe disa raste tjera të mira në pjesë të dytë karshi një Borussie të Monchengladbachut të lodhur nga humbja e xhiros së shkuar nga Bayer Leverkuseni.
Në fund, barazimi 0-0 i konvenoi më shumë mysafirëve, të cilët sa shkonte koha vetëm se rrezikonin pikën.
Rashica u zëvendësua pas 86 minutave lojë nga Kohfeldt, ndërsa kosovari u angazhua mjaft me sprintet e tij shpesh edhe për të ndalë tentimet për sulm të kundërshtarit.