SUPERLIGA
Xhiroja e dytë në Superligë, hapet nesër me dy ndeshje
21 September, 2020 @16:32
FFK-ja ka publikuar orarin e xhiros së dytë në Superligën e Kosovës.
Xhiroja do të hapet nesër me dy ndeshje: Drenica - Besa dhe Arbëria - Prishtina.
Që të dyja ndeshjet do të luhen në ora 16:00.
Më 23 shtator do të luhen ndeshjet: Ballkani - Feronikeli dhe Llapi - Gjilani. Për Llapin do të jetë ndeshja e parë e stinorit, ngase në xhiron e parë ka pushuar për shkak të obiligimeve të Dritës në arenën evropiane.
Drita do të pushojë edhe në këtë xhiro, kurse së bashku me skuadrën gjilanase do të pushojë edhe Trepça ‘89.
