JAPONEZI NË ANFIELD
Foto: Liverpoool/web
Zyrtarizohet kalimi i Minaminos te Liverpool
19 December, 2019 @9:11
Futbollisti japonez, Takumi Minamino, tashmë edhe zyrtarisht prej datës 1 janar 2020 do të bëhet lojtar i Liverpoolit.
Të dyja klubet sot përmes njoftimeve në faqet e tyre kanë bërë të ditur për largimin, përkatësisht, ardhjen e tij.
Mesfushori ofanziv 24 vjeçar të mërkurën kreu testet mjekësore dhe nënshkroi marrëveshjen që e bën atë lojtar të Liverpoolit, ndërsa tashmë ish-ekipi i tij Salzburg do të përfitojë afro 8 milionë euro si dëmshpërblim.
Minamino kishte pasur paraqitje impresive në Ligë të Kampionëve këtë stinor, posaçërisht në Anfield Road, ku edhe shënoi gol për Salzburgun, ndërsa Bundesligën austriake për gjysmëstinori e kreu me pesë gola e gjashtë asistime.
