Drita shkruan histori! Kualifikohet në Ligë të Konferencës
Për herë të parë në histori të klubit, Drita është pjesëmarrëse e Ligës së Konferencës – për stinorin 2025/26.
Ekipi gjilanas, kampion i Kosovës ka arritur të eliminojë në playoff të garës Differdangen e Luksemburgut, për të siguruar arritjen historike nën drejtimin e trajnerit Zekirija Ramadani.
Drita sonte fitoi në Luksemburg, 0-1, përmes golit nga penalltia që e shënoi Besnik Krasniqi (61′) kapiten. Por, gjilanasve punën ia lehtësoi krahu Buch, që mori karton të kuq që në minutën e tretë të ndeshjes dhe u lehtësoi punën shumë kampionit të Kosovës.
Drita kishte fituar edhe ndeshjen e parë ndaj Differdanges 2-1 në Prishtinë, kështu që me rezultat të përgjithshëm 3-1 siguroi suksesin historik.
Me këtë kualifikim, Drita bëhet vetëm ekipi i dytë nga Kosova që arrin të sigurojë kualifikim në fazë grupore të një gare evropiane. Më parë, këtë e kishte arritur Ballkani i Suharekës, që dy herë u kualifikua në Ligë të Konferencës.
