Vëllaznimi huazon Jon Ismajlin
Basketbollisti i ri i Prishtinës, Jon Ismajli, për stinorin 2025/26 do të bart fanellën e Vëllaznimit. Njoftimin e ka bërë të ditur KB Prishtina pak më parë, duke treguar se lojtari ka kërkuar më shumë minuta në parket, ndërsa klubi e ka mirëkuptuar këtë.
“Basketbollisti prishtinas Jon Ismajli do të luajë këtë edicion në huazim te skuadra e Vëllaznimit në Gjakovë. Vendimi është marrë pas kërkesës së lojtarit për më shumë minutazh dhe mundësi zhvillimi.” — shkroi KB Prishtina në njoftim.
Ismajli 20 vjeçar në stinorin e kaluar ka luajtur mesatarisht 17.5 minuta për lojë te Prishtina, ka shënuar 3 pikë, duke bërë afro 2 kërcime e 1 asistim për ndeshje.
Ekipi i Vëllaznimit në stinorin 2025/26 do të drejtohet nga kroati Jeronimo Sarin, ndërsa Ismajli aty pret minuta për tu pjekur edhe më shumë si basketbollist.
