Besn1k Krasniqi vendos derbin!
Drita i është kthyer fitores pas rezultateve jo të mira, ndërsa vendimtar është treguar përvoja e Besnik Krasniqit, i cili ka shënuar golin e 50-të në karrierë për gjilanasit, derisa ka qenë dallimi kryesor në duel, ku ekipi i Ardian Nuhiut mposhti Ballkanin si mysafir dhe atë në minutën e fundit të ndeshjes, Ballkani – Drita 0-1 [Besnik Krasniqi 90′].
Një depërtim i Besnikut nga krahu i tij, ka bërë që të gjejë mundësinë për shut dhe kështu ka shënuar për fitore. Gëzimi ka qenë i madh në taborin gjilanas pasi që iu kthye fitores, ndërsa sot edhe me lojë treguan se po e kërkonin më shumë fitoren sesa vendasit e drejtuar nga Sami Sermaxhaj, që kishin edhe mungesa të theksuara si Edvin Kuc e Walid Hamidi!
Sidoqoftë, Drita mori fitore në derbi dhe tashmë është ngritur në pozitë të tretë të tabelës duke kaluar në 14 pikë pas 8 ndeshjesh të luajtura. Ballkani në anën tjetër ka pësuar humbjen e katërt kampionale dhe mbetet në 13 pikë pas 9 ndeshjesh. Në xhiron e radhës, Drita i shkon Llapit ndërsa Ballkani pret një tjetër derbi në shtëpi, ndaj Prishtinës.
