Ballkani mbyll vitin si lider vjeshtor i Superligës
Të rikthyer në lojë me trajnerin e ri të ardhur në ekip, Ballkani me barazimin e sotëm ndaj Dukagjinit 0-0 ka siguruar epitetin e liderit vjeshtor të Superligës duke arritur në kuotën e 33 pikëve nga 18 ndeshje, që edhe mbyllin ciklin e dytë të Superligës si dhe pjesën vjeshtore të stinorit!
Dukagjini vendas, që ka pasur një vjeshtë shumë të mirë në krahasim me stinorët tjerë prej se i është rikthyer Superligës, e mbyll vjeshtën në pozitë të tretë të tabelës me 29 pikë nga po aq ndeshje.
Ballkani më dominues gjatë ndeshjes, por rastet jo edhe shumë konkrete kur Bleart Tolaj dy e njëherë edhe Valentin Serebe tentoi! Dukagjini ndërkaq, në fund të ndeshjes ishte duke i fituar për pak tre pikë, por portieri i mysafirëve, Iljazi, reagoi si duhet për t’ia mohuar golin Dukagjinit!
Barazimi 0-0 në fund, i lë të dyja skuadrat në TOP-3 të pjesës vjeshtore, me Ballkanin që ka marr hov për të mos lëshuar kreun tanimë, ndërkaq Dukagjini nëse vazhdon kështu edhe në pranverë, do të jetë shumë afër garave evropiane!
