Kosova

“Dardanët” me plan slloven, biletat Sllovenia-Kosova anëtarëve

Derisa FFK ende nuk ka publikuar njoftim nëse do të ketë shitje të biletave për ndeshjen Sllovenia – Kosova, tifogrupi i Kosovës për ndeshje ndërkombëtare “Dardanët” ka bërë të ditur se anëtarët e saj të interesuar për bileta do të paraqiten në fan-club në Prishtinë për tu koordinuar lidhur me udhëtimin.

Ndeshja Sllovenia – Kosova mund të jetë vendimtare për Kosovën, ngase me një pikë të fituar aty Kosova do të siguronte për herë të parë në histori ndeshjet e playoffit për Botëror.

NJOFTIMI I PLOTË I DARDANËVE: 

“Dardanët udhëtojnë në Lubjanë më të motivuar së kurrë dhe më me besim se çdoherë tjetër, në ndeshjen ndaj Sllovenisë më 15 nëntor, për ta pritur shënimin e ditës së madhe për kombëtaren tonë!
Në lidhje me biletat, ju bëjmë me dije se në shpërndarjen e tyre, nga ato çfarë na takojnë neve si tifogrup, përparësi do të kenë të gjithë ata që kanë qenë të pranishëm në ndeshjet e mëparshme që i kemi zhvilluar si mysafirë. Prioriteti do të anojë nga ata, ndërsa menjëherë pas tyre radha u takon anëtarëve tjerë të grupit për biletat e mbetura.
Për respekt të mundit, pasionit dhe sakrificave që kanë treguar për ta përkrahur Kosovën kudo nëpër Evropë, pavarësisht rezultateve që kemi pasur herë nën shkallën e pritshmërive e herë më të mira, mundësia e parë për t’u pajisur me biletë kemi vlerësuar se është e drejtë t’u takojë atyre.
Të gjithë të interesuarit që i përmbushin këto kritere, ju ftojmë të vijnë në fanclub-in tonë në kryeqytet për t’u koordinuar në lidhje me udhëtimin që shpresojmë të jetë triumfal, historik dhe i paharruar.
Në lidhje me detajet dhe përditësimet tjera, do të ju njoftojmë shumë shpejt.

Federata sllovene kreu shitjen e biletave, ndërsa paralajmëroi se nuk do të lejojë rekuizita përkrahëse pos atyre sllovene në sektorin e tyre. Ndeshja luhet më 15 nëntor në Ljubljanë, në stadiumin “Stozice” që numëron rreth 16 mijë ulëse.”

Sipas rregullit të UEFA-së, ekipeve mysafire u takon 5% e biletave të stadiumit ku luhet ndeshja, që lë të kuptohet me një llogari të thjeshtë se në “Stozice” pritet të jenë rreth 800 “dardanë”, pa llogaritur këtu të tjerët që potencialisht kanë blerë bileta në sektorët e vendasve.

Te “dardanët” sipas burimeve jozyrtare, një biletë po sillet rreth 50 euro që vie bashkë me disa rekuizita në pako.

TABELA E GRUPIT B:

1. Zvicra, 10 pikë
2. Kosova, 7 pikë
3. Sllovenia, 3 pikë
4. Suedia, 1 pikë.

Ndeshjet e mbetura:

15 nëntor,
Sllovenia-Kosova
Zvicra-Suedia

18 nëntor,
Kosova-Zvicra
Suedia-Sllovenia.

(Për në Botërorin 2026 kualifikohet direkt vetëm fituesi i grupit. Skuadra që përfundon e dyta siguron të drejtën për ndeshje playoffi, ku duhet të kalojë dy raunde playoffi (gjysmëfinale dhe finale) për të arritur biletën e Botërorit.)

Dren Shporta

drenshporta
Fillimi
Rezultatet
Tabela
Live