Rivalët e mundshëm të Shqipërisë në playoff për Botëror!

Pas arritjes historike, të sigurimit për herë të parë të playoffit për Kampionat Botëror, tash Shqipëria do të pret shortin e 20 nëntorit ndërsa do të bëhet gati për ndeshjen(t) e marsit, ku edhe sigurohet bileta për Botëror!

Kampionati Botëror “USCAME 2026” pas kualifikimeve direkte që do të sigurohen nga vendet e para të kualifikueseve evropiane (12) do të pranojë edhe 4 skuadra tjera nga zona e UEFA-së (evropiane). E ata do të përcakohen nga playoffi që do të luhet në mars të vitit të ardhshëm.

Kështu, kuqezinjtë së pari do të ndeshen me njërin nga ekipet e vazos së dytë – që quhet gjysmëfinale playoffi. Nëse e kalon atë, atëherë në finale të playoffit do të luajë me fituesin e gjysmëfinales tjetër, ku ndeshen vazoja e parë me të katërtën.

Për momentin, vazot janë kështu:

VAZO 1: Italia, Turqia, Ukraina, Polonia;
VAZO 2: Uellsi, Hungaria, Skocia, Çekia;
VAZO 3: Sllovakia, Rumania, Shqipëria, Kosova;
VAZO 4: Suedia, Maqedonia V., Moldavia dhe Irlanda V.

Pra, shorti përcakton 4 rrugëtime ku ndeshen:

Gjysmëfinalja:
a) Vazo 2 vs. Vazo 3
b) Vazo 1 vs. Vazo 4
–
Finalja:
Fituesi a) vs. Fituesi b).

Fituesi i finales, merr biletën për Botëror.

Pos punës në fushë të lojtarëve, me pak fat në short, gjithçka duket e arritshme për djemtë e Sylvinhos për të arritur historinë e madhe – sigurimin e Botërorit për kuqezinjtë.

Për më tepër detaje se si shkohet në playoff, lexo artikullin e veçantë.