Dukagjini radhit fitoret, ngritet në pozitë të tretë!
Forma e mirë që ka kapur Dukagjini i drejtuar nga Ndue Përgjokaj ka vazhduar edhe sot, derisa ekipi nga Klina ka shënuar fitore në “Zahir Pajaziti” duke ndalë Llapin si mysafir me fitore minimale të arritur, Llapi – Dukagjini 0-1 [Dardan Morina 90′].
Fitorja edhe më e ëmbël u bë, pasi që erdhi krejt në fund të ndeshjes kur Morina shënoi nga afërsia pas kundërsulmit. Kjo fitore, jo vetëm që solli tri pikë, por ngriti Dukagjinin në pozitë të tretë, duke e lënë pas Dritën kampione aktuale, që ra në të katërtin vend pas disfatës së sotme ndaj Ballkanit.
E për Llapin, që vinte në këtë duel nga fitorja e madhe ndaj Ballkanit si mysafir, ishte zhgënjim. Ekipi i Tahir Batatinës nuk arriti të vazhdojë formën e mirë për të vazhduar ngritjen në renditje tabelare.
Dukagjini pas 15 xhirosh qëndron në pozitë të katërt me 23 pikë, ndërsa Llapi mbyllë xhiron në vend të gjashtë me 20 pikë.
