E dyta me radhë si mysafir, Brruti i kthehet golit!
Etnik Brruti i është kthyer golit në Superligë pas një agjërimi dyjavor, ndërsa mesfushori malishevas i komëbtares shqiptare ka shënuar golin e avantazhit sot për ekipin e tij, që mori krahë më pas për të shënuar edhe fitoren e dytë me radhë si mysafir në Superligë.
Malisheva e drejtuar nga trajneri i ri i tyre Elon Berisha ka shënuar fitore ndaj Ferizajit të Nevil Dedes në pjesë të dytë, pasi që pjesa e parë përfundoi pa gola në Ferizaj, Ferizaji – Malisheva 0-2 [Etnik Brruti 53′, Elom Kodjo Nyavedji 78′].
Kjo ishte fitorja e shtatë kampionale për Malishevën që tash ka 22 pikë dhe mbylli xhiron në pozitë të pestë tabelare. Ferizaji në anën tjetër vazhdon të qëndrojë në zonë të rënies, në pozitë të nëntë, pas humbjes së tetë kampionale, derisa kjo e sotmja ishte e dyta në tre ndeshjet e fundit për ekipin bardhekaltër që në katër ndeshje të nëntorit, nuk ka shijuar fitoren!
