Grapeland zyrtarizon Fisnik Rugovën

Basketbollisti me shumë përvojë në Superligë, Fisnik Rugova, është zyrtarizuar pak më parë si lojtar i ri i Grapeland nga Rahoveci, që do të debutojë këtë stinor në Superligë të Kosovës.

Rugova, që ka bërë karrierë kryeisht te Prishtina, ndërsa ka qenë i rregullt në përfaqësuesen e Kosovës, pritet që me pjekurinë e tij t’i ndihmojë Grapelandit në stinorin 2025/26 në Superligë.

Pos Prishtinës, nga një stinor Fisniku përpara ka luajtur për Bashkimin dhe Rahovecin (që tashmë është shuar), ndërkaq në stinorin e kaluar te Prisrhtina ka pasur mesatare prej 3 pikëve dhe 3.2 kërcimeve për ndeshje në Superligë, me minutazhë 13.7 minuta për lojë.Rugova është i lindur në vitin 1989.