FFK Superliga e Kosovës
Jarovic vendos, Gjilani i kthehet fitores dhe del nga zona e rrezikshme!
Goli i pestë i Senad Jarovicit këtë stinor për Gjilanin ka qenë i vlefshëm për tre pikë në një mysafirllëk të vështirë! Gjilani i drejtuar nga Debatik Curri i është kthyer fitores pas barazimit me Ferizajin në xhiron e kaluar, duke e mposhtur Drenicën e Bylbyl Sokolit në “Bajram Aliu” sot, Drenica – Gjilani [Senad Jarovic 82′].
Për Gjilanin kjo ka qenë fitorja e pestë kampionale në 15 xhiro, derisa Drenica pësoi për herë të shtatë këtë stinor dhe tashmë ka dy humbje radhazi të regjistruara duke rënë në pozitën e teetë të renditjes, që është pozitë për barazh!
Fitorja e Gjilanit i çon ata në pozitë të shtatë me 19 pikë të tubuara nga 15 ndeshje, ndërsa Drenica siç u shkrua më lartë, në të tetën me dy pikë më pak.
