KA uli dënimin e Prishtinës, ndeshja ndaj Ballkanit me tifozë!

Përmes një njoftimi të botuar sot, Prishtina ka bërë të ditur se do të ketë tifozë në tribuna për derbi ndaj Ballkanit, në ndeshjen ku do të debutojë trajneri i ri, Alban Dragusha.

“Komisioni i Ankesave i Federatës së Futbollit të Kosovës, në mbledhjen e mbajtur më 19 mars, ka marrë vendim që të zbusë dënimin e shqiptuar ndaj FC Prishtinës pas kërkesës se klubit drejtuar këtij komisioni. Sipas vendimit të ri, dënimi prej dy ndeshjesh pa praninë e shikuesve është reduktuar në vetëm një ndeshje.

Komisioni ka theksuar se si rrethanë lehtësuese është marrë parasysh angazhimi i klubit për mbarëvajtjen dhe garantimin e sigurisë gjatë organizimit të ndeshjeve. Ky vlerësim ka ndikuar drejtpërdrejt në vendimin për zbutjen e masës disiplinore.

Si rezultat i këtij vendimi, ndeshja e radhës ndërmjet FC Prishtinës dhe FC Ballkanit do të zhvillohet me praninë e tifozëve në stadium, duke i dhënë mundësi publikut të rikthehet dhe të mbështesë ekipet e tyre nga afër.

Ky zhvillim pritet të ndikojë pozitivisht në atmosferën e ndeshjes, duke pasur parasysh rëndësinë dhe rivalitetin mes dy skuadrave në elitën e futbollit kosovar.”