Kida debuton me fitore bindëse ndaj lideres!
Prishtina e Re i është kthyer fitores! Me një paraqitje bindëse dhe me gola të shpejtë nën komandën e trajnerit të ri Qëndrim Kida, Prishtina e Re ka shkëlqyer sot ndaj Prishtinës lidere dhe ka shënuar fitore, Prishtina e Re – Prishtina 4-1 [Philippe Boueye 1’ag. , Amos Dadet 23′, Elvis Prençi 35′, Donat Hasanaj 74′ — Gjelbrim Taipi 30′].
Kjo ka qenë fitorja e parë e debutuesve në Superligë pas 10 xhirosh pa triumf si dhe e para që prej 14 shtatorit, fiks pa dy muaj e gjysmë! Një autogol më pas Dadet dhe Prençi treguan se Prishtina përkundër golit të Taipit, nuk do të ketë shumë mundësi në pjesë të dytë.
Edhe pse edhe Prishtina pati trajnerin e saj të rikthyer Afrim Tovërlani në ekip, që debutoi sot për këtë stinor në Superligë, nuk arriti të ndërroj asgjë në pjesë të dytë, pos që pësoi edhe një gol për të përmbyllur ndeshjen dhe tashmë, edhe për të rrezikuar kreun e tabelës.
Përndryshe, Prishtina nuk njeh fitore qe katër xhiro në Superligë! Ata nuk kanë shënuar fitore që prej 25 tetorit!
