Kosova nis me fitore ndaj Shqipërisë parakualifikimet

Kosova ka nisur mbarë parakualifikimet për Eurobasket 2029, pasi që sonte në ndeshjen e parë të saj të Grupit C ka shënuar fitore ndaj Shqipërisë dhe atë si mysafire në Shkodër, 84-99.

Ekipi i drejtuar nga Bujar Loci ka dominuar në pjesë të parë të takimit duke krijuar avantazh 28-44 dhe këtë dallim në pikë e ka menaxhuar mirë në pjesë të dytë për të arritur te fitorja me 15 pikë dallim.

Dardan Berisha ka shkëlqyer me 35 pikë të shënuara, ndërsa ka shutuar 7/15 për tre pikë, duke shtuar edhe 6 asistime e 3 kërcime në këtë fitore të “dardanëve”. Erjon Kastrati shënoi 21 pikë, 4/6 për tre pikë, ndërsa 15 pikë tjera i dha Drilon Hajrizi në fitore. Ky i fundi bëri edhe 7 kërcime.

Te Shqipëria lojtari më efikas ka qenë Juljan Hamati me 19 pikë. Pos tij është dalluar edhe Xhuljan Tola me 13 të shënuara. Për Shqipërinë kjo ka qenë humbja e dytë në grup, pasi që ditë më parë u mposhtë edhe nga Sllovakia si mysafire, që është skuadra tjetër e këtij grupi.

TABELA AKTUALE:

1. Kosova 1-0 (+15) 2 pikë,
2. Sllovakia 1-0 (+10) 2 pikë,
3. Shqipëria 0-2. (-25) 2 pikë.

Orari dhe rezultatet e ndeshjeve të Grupit C:

27 nëntor 2025,
Sllovakia-Shqipëria 73-63

30 nëntor 2025,
Shqipëria-Kosova 84-99

Kosova-Sllovakia

2 mars 2026,
Shqipëria-Sllovakia

2 korrik 2026,
Kosova-Shqipëria

5 korrik 2026,
Sllovakia-Kosova.