Mungesa e Pajazitit, Sylvinho fton mesfushorin që e ndoqi 6 muaj

Pas mosarritjes së Adrion Pajazitit te Shqipëria, përkundër ftesës, për shkak të lëndimit, selektori kuqezi Sylvinho ka ftuar një mesfushor kreativ në vend të tij.

Mesfushorin e ftuar nga Sylvinho, për të cilin PanoramaSport thotë se e ka ndjekur qe gjashtë muaj, e njohin mirë edhe në Superligë të Kosovës, pasi që Nazmi Gripshi kishte veshur fanellën e Ballkanit në arritjet historike të ekipit me tituj dhe kualifikim në fazën grupore të Ligës së Konferencës.

Durrësaku Gripshi (28) aktualisht luan te Astana e Kazakistanit dhe po tregon performanca të mira atje, ndërsa nuk i ka ikur syrit të përzgjedhësit brazilian të kombëtares shqiptare.

Të njëjtën e ka konfirmuar edhe njoftimi i FSHF-së sot, duke treguar edhe ditën e arritjes së mesfushorit që shpreson në debutim me kuqezinjtë.

“Sakaq, trajneri Silvinjo ka vendosur të ftojë për këto dy ndeshje edhe mesfushorin Nazmi Gripshi, i cili vjen si zëvendësim për Adrion Pajazitin e dëmtuar. Gripshi do të bashkohet me ekipin gjatë ditës së mërkurë dhe do të jetë në dispozicion ndaj Serbisë dhe Jordanisë.” — shkroi FSHF sot.

TABELA AKTUALE, GRUPI K:

1. Anglia 15 pikë (5 ndeshje); 2. Shqipëria 8 pikë (5 ndeshje); 3. Serbia 7 pikë (4 ndeshje); 4. Letonia 4 pikë (5 ndeshje); 5. Andorra 0 pikë (5 ndeshje).

NDESHJET E MBETURA:

11 tetor,

Letonia-Andorra
Serbia-Shqipëria

14 tetor,

Letonia-Anglia
Andorra-Serbia

13 nëntor,

Andorra-Shqipëria
Anglia-Serbia

16 nëntor,

Serbia-Letonia
Shqipëria-Anglia.