Përfitimet e deritashme të Dritës me kualifikim në Ligë të Konferencës

Kampionja e Kosovës, FC Drita, ka siguruar të enjten mbrëma kualifikimin historik në fazën grupore të Ligës së Konferencës, ndërsa me këtë ka arritur të shtojë edhe buxhetin e klubit me përfitime shtesë nga UEFA-ja.

Pas triumfit në raundin e parë kualifikues në Ligë të Kampionëve dhe eliminimit në raundin e dytë, gjilanasit në Ligë të Konferencës kanë arritur që të kalojnë playoffin për të arritur suksesin historik të klubit.

E me të gjitha ndeshjet e luajtura deri tash, bashkë me kualifikimin në Ligë të Konferencës, Drita ka përfituar 3.1 milionë euro nga UEFA-ja. Por, këtu nuk do të përfundojnë përfitimet për Dritën, pasi që ekipi i Zekirija Ramadanit do të ketë mundësi që të shtojë nga 400 mijë euro në arkë të klubit për secilën fitore që do të mund ta arrijë në fazën grupore të Ligë së Konferencës, ndërsa për secilin barazim “intelektualëve” i shtohen 133 mijë euro në llogari.

Kujtojmë, në shortin e djeshëm të UEFA-së për fazën e ligës në Ligë të Konferencës, Drita nga vazoja e katërt prej gjashtë vazove do të ndeshet me këta kundërshtarë:

VAZO 1: DRITA vs AZ Alkmaar
VAZO 2: Rayo Vallecano vs. DRITA
VAZO 3: DRITA vs. Omonoia
VAZO 4: Kups vs. DRITA
VAZO 5: DRITA vs. Shkëndija
VAZO 6: Shelbourne vs. DRITA.