Bashkimi siguron Jan Palokajn

Njëri ndër basketbollistët e dalluar vendor, Jan Palokaj, që në stinorët e fundit të Superligës veshi fanellën e Yllit të Suharekës, është zyrtarizuar sot si lojtar i ri i Bashkimit.

Për më tepër, Bashkimi ka bërë të ditur se Palokaj që luan në pozitat 1/2, ka nënshkruar kontratë për dy stinorë me ekipin portokallezi nga Prizreni.

“Jan Palokaj ka nënshkruar kontratë me klubin tonë për dy vitet e ardhshme dhe tashmë është zyrtarisht pjesë e skuadrës.” — shkroi KB Bashkimi në njoftim.

Statistikat e Palokajt nga stinori i kaluar

Lojtari që në nëntor të këtij viti mbushë të 25-tat, ka qenë ndër basketbollistët kryesorë të Yllit në dy stinorët e fundit, kurse në 2024/25 ka pasur mesatare prej 36.5 minutave për ndeshje, duke shënuar 17.5 pikë, 4 asistime e 4.5 kërcime për ndeshje.

Përndryshe, basketbollisti i lindur në Zagreb bëhet lojtari i parë vendor që i bashkohet Bashkimit këtë stinor pas vazhdimit të marrëveshje me ekzistuesit e ekipit dhe largimit të Samir Zekiqit.

Kompletimi i ekipit dhe debutimi në FIBA Europe Cup

KB Bashkimi në stinorin 2025/26 do të drejtohet nga trajneri malazias, Igor Jovovic, për të cilin ky stinor do të jetë debutues në Superligën e Kosovës. Gjithashtu, Bashkimi do të merr pjesë për herë të parë në gara ndërkombëtare basketbollistike të organizuara nga FIBA Europe, derisa është pjese e FIBA Europe Cup, ku në kualifikime do të ketë punë të vështirë ndaj polakëve të Anwilit.

Kyan Anderson, Jeremiah Bailey, De’Quon Lake, Isaiah Cousins dhe TJ Bickerstaff – janë peshja e të huajve të zyrtarizuar nga klubi gjatë kësaj vere.