Jaylani Darden amerikani i radhës te Vëllaznimi

Vëllaznimi nuk po ndalet së përforcuari për edicionin e ri të garave të Superligës, ndërsa pak më parë zyrtarizuan edhe një lojtar të huaj në skuadër për stinorin 2025/26.

Amerikani Jaylani Darden është lojtar i ri i Vëllaznimit, ndërsa është 196 centimetra i gjatë dhe luan në pozitat 2/3. Për Dardenin kjo do të jetë aventura e parë tejoqeanike, pasi që deri tani ka qenë pjesë e ekipeve të NCAA.

I huaji i katërt në Gjakovë

Së fundi, ai ka luajtur për Norfolk State Spartans, ku në stinorin 2023/24 ka pasur mesatare prej 7.1 pikëve, 5 kërcimeve e 2 asistimeve për ndeshje, kurse në stinorin e kaluar ka shënuar mesatarisht 6.7 pikë për ndeshje, ka bërë 4.6 kërcime për ndeshje dhe 2.4 asistime.

Jaylani Darden, bëhet transferi i radhës i huaj për Vëllaznimin, pas Ziggy Reid, Seth Pinkney dhe Jacob Young.

Fillimi
Rezultatet
Tabela
Live