Leotrim Krasniqi rikthehet në Ligë të Parë

Së fundi ishte trajner i Lirisë dhe tregoi sukses duke e këndellur ekipin për ta dërguar deri në barazh për Superligë. Liria nuk vazhdoi me të, përkundër punës së tij të mirë aty, ndërsa mundësinë e shfrytëzoi Dinamoja, që e zyrtarizoi.

Trajneri Leotrim Krasniqi është zyrtarizuar dje si kryetrajner i Dinamos, që ditë më parë ndau rrugët me Burim Qerkinin. Krasniqi do të merr drejtimin e Dinamos, për ta ngritur skuadrën më lartë në tabelë, ndërsa pas pesë xhirove të para, ferizajasit nuk janë mposhtur akoma.

“FC Dinamo Ferizaj ka kënaqësinë të njoftojë emërimin e kryetrajnerit Leutrim Krasniqi në krye të shtabit teknik.
I urojmë mirëseardhje, shumë fat, shëndet dhe suksese në drejtimin e skuadrës sonë!” — shkroi njoftimi i FC Dinamos.

Trajneri në fjalë para Lirisë ka punuar me Vëllaznimin, Drenasin dhe Vjosën, ku ka mundësuar ekipi të bëj lojë dhe ka pasur taktikë impresive për Ligë të Parë të Kosovës.