Vëllaznimi me përforcim nga Superliga?

Vazhdojnë lëvizjet në Ligën e Parë të futbollit në Kosovë.

Burime të TopSportit kanë mësuar se Vëllaznimi do ta shtojë në radhët e veta futbollistin Riad Murseli, i cili te Vëllaznimi do të huazohet nga Ferizaj.

Murseli, 22 vjeçar, luan si mbrojtës i djathtë dhe njihet për kontributin e tij në fazën sulmuese, me ç’rast shpesh luan edhe si anësor i djathtë në mesfushë.

LIGA E PARË – TABELA AKTUALE

Për Murselin kjo nuk do të ishte aventura e tij e parë jashtë Ferizajit, pasi që më herët ka luajtur edhe për skuadrën e Vjosës.

Kujtojmë që Vëllaznimi stinorin pranveror do ta fillojë nën drejtimin e Leotrim Krasniqit, i cili e zëvendësoi të larguarin Xhengiz Rexhepi.