Bora vazhdon me fitore, mposhti Yllin
Ekipi i Borës po vazhdon me formë të mirë në Superligë dhe sonte ka shënuar edhe fitoren e dytë kampionale nga po aq ndeshje të zhvilluara. Ekipi prishtinas ka shënuar fitore ndaj Yllit në “13 qershori” me rezultat 64-75.
Dallimi kryesor në ndeshje u bë në çerekun e parë, 12-20, ndërsa më pas loja shkoi kryesisht barabartë çerek pas çereku për tu mbyllur me 11 pikë dallim në të mirë të mysafirëve.
Jericole Hellems me 19 pikë dhe 10 kërcime ka qenë lojtari më i dalluar te Bora, ndërsa pos tij lojë të mirë ka treguar edhe Terren Allen me 16 pikë e 5 asistime.
Te vendasit që po drejtohen nga Rami Hadar janë dalluar Artin Gashi dhe Connor Whiters me nga 11 pikë të shënuara. Pas këtij dueli Bora ka bilanc 2-0, ndërsa Ylli 0-2. Në xhiron e radhës, Bora pret Rahovecin 029 ndërsa Ylli i shkon Prishtinës.
