Lajme. Sport. Shqip.

Analizë: OPINION

Sylvinho në udhëkryq!

Rënia e madhe në rezultate që ka pësuar Shqipëria që prej EURO 2024, nuk ka të ndalur dhe së fundi duket se po mbushet kupa, pas barazimit të fundit ndaj Letonisë, një kundërshtari nga i cili pritej fitore e sigurt. Qershori me 2 pikë, nuk ishte në plan të askujt.

Nga 4 pikë minimale të menduara, u arritën vetëm 2!

Letonia nuk bëri diçka që nuk pritej. Por, Shqipëria e Sylvinhos vazhdoi me orientim sigurinë në mbrojtje për të kërkuar pastaj golin, nëse vjen ai. Barazimi në fund, 1-1, bëri që nga 4 pikë minimale të qershorit prej 6 të mundshmeve, kuqezinjtë të marrin vetëm 2 nga 6 pikë të mundshme. Sa i përket ndeshjes, pa harruar këtu pritjen e Thomas Strakoshës që ndali epërsinë letoneze kur mbrojti penalltinë e kundërshtarit gjatë rezultatit, 0-0.

Për më tepër, penalltia e humbur e Rey Manajt ndaj Serbisë dhe mundësia për të marrë 3 pikë nga ajo ndeshje, as që po përfolet më. Shqipëria zbehu mundësinë për Kampionatin Botëror “USCAME 2026” në përqindje të madhe me pikën në Letoni.

Gjithçka tash është në pikëpyetje dhe natyrisht, Shqipëria varet nga rezultatet e të tjerëve tash e tutje. Duhet pritur gabimin e Serbisë, ndërsa Anglisë i duhet uruar vetëm fitore që të sigurojë më shpejt kualifikimin, ashtu që kur të vie në “Arenën Kombëtare” gjatë nëntorit, të luajë jo me 100%.

Kujtojmë, Shqipëria nga mundësia për të dalë në Ligën A të Kombeve gjatë vjeshtës së kaluar, ra në Ligën C të Kombeve pasi që mori vendin e fundit në grup, ku kundërshtarë kishte Ukrainën, Gjeorgjinë dhe Çekinë. Për më tepër, dy fitoret e vetme i mori jashtë “Arenës Kombëtare” ku në atë cikël nuk arriti asnjë fitore si vendase!

Udhëkryqi

Sylvinho është në udhekryq tani. A do të vazhdojë FSHF-ja t’i besojë për vjeshtën kualifikuese ku do të duhen fitore të mëdha (veçanërisht ndaj Serbisë në Beograd dhe befasi ndaj Anglisë në shtëpi) apo të mirrën masa gjatë verës. Natyrisht pa llogaritur fitoret ndaj Letonisë e Andorrës, për të cilat as që duhet pasur arsyetim tjetër.

Mediat tiranase, bënë të ditur se kontrata e Sylvinhos me FSHF-në mbaron në fund të këtij viti. Braziliani bashkë me stafin e tij thuhet të pagohen rreth 1.5 milionë euro në baza vjetore.

E gjithë pyetja është: A i duhet dhënë edhe një mundësi brazilianit në vjeshtë, apo të veprohet tani? Nëse mundësia e dhënë shkon poshtë, edhe shpresat për “USCAME 2026” sharrojnë.

Nga katër ndeshjet e para Shqipëria ka marrë 5 pikë, duke mposhtur vetëm Andorrën, derisa ka marrë barazime me Serbinë e Letoninë e humbje nga Anglia.

Duelet e mbetura, në shtator kuqezinjtë presin Letoninë, kurse në tetor janë mysafirë në Serbi e Andorrë, para se të përfundojë cikli kualifikues në nëntor, kur Anglia ateron në Shqipëri.

Golat flasin

Sa i përket gjendjes aktuale në renditjen tabelare të Grupit K ku bën pjesë Shqipëria dhe vetëm fituesi i grupit siguron Botërorin kurse pozita e dytë do të tentojë përmes playoffit, ajo duket kështu:

1. Anglia, 9 pikë nga 3 ndeshje; 2. Shqipëria, 5 pikë nga 4 ndeshje; 3. Serbia, 4 pikë nga 2 ndeshje; 4. Letonia, 4 pikë nga 3 ndeshje; 5. Andorra, 0 pikë nga 4 ndeshje.

Nëse mbetet, Sylvinhoja tash duhet ta ketë të qartë misionin. Orientim ofanziv në lojë, për të kërkuar golin. Nëse nuk llogaritet ndeshja ndaj Andorrës, Shqipëria tre kundërshtarëve tjerë në grup i ka shënuar një gol - dhe ai është autogoli letonez!

E njëjta kishte ndodhur edhe në Ligën e Kombeve së fundi, ku Shqipëria pos që ra nga Liga B në Ligën C, shënoi vetëm 4 gola në 6 ndeshje, prej të cilave dy ukrainasve në ndeshjen e parë dhe pastaj në 5 ndeshjet tjera krejtësisht, 2 gola!

Statistikat ndonjëherë flasin më shumë, sesa deklaratat para e pas ndeshjes, kur dihet forca reale e ekipit dhe lojtarët që janë në dispozicion.

Natyrisht, askush s’i kërkon Sylvinhos garanci për të dërguar Shqipërinë në “USCAME 2026”. Por, playoffi me një Serbi me probleme të brendshme do të duhej të ishte kërkesë reale. Për Letoninë që futbollin e ka sport të kushedi satë në vend, e për Andorrën që është gjysmëprofesioniste - nuk ka çka të thuhet më shumë. Krejt kjo, nëse FSHF mendon ngritjen e kuqezinjëve seniorë në një nivel tjetër.

Analizë: OPINION

Stadiumi i përjashtimit

Një mbrëmje që duhej të ishte bashkuese, u kthye në një shfaqje përjashtimi

Ndeshja Shqipëri–Serbi, më e rëndësishmja për emocionin historik dhe peshën simbolike, u zhvillua pa zërin e atyre që e kanë ndjekur Kombëtaren për më shumë se dy dekada: Tifozat Kuq e Zi (TKZ).

Të lënë jashtë. Të përjashtuar. Jo nga fati në short, por nga një vendim i qëllimshëm. Nga një sistem që promovon “gjithëpërfshirje”, por në realitet hesht dhe zhduk ata që nuk janë servilë.

“Shorti i barabartë” që përzgjodhi vetëm VIP-at

Federata Shqiptare e Futbollit (FSHF) pretendoi se biletat për ndeshjen ndaj Serbisë do të shpërndaheshin përmes një shorti të barabartë, që u garantonte të gjithë qytetarëve një mundësi reale për pjesëmarrje.

Por rezultati ishte një tallje kolektive:

Modele Instagrami, personazhe televizivë, politikanë të njohur dhe figura të sistemit të drejtësisë – të gjithë “fituan” në short.

Tifozat Kuq e Zi, grupi më i madh dhe më besnik i tifozëve, nuk morën asnjë biletë për grupin, për herë të parë në 21 vite.

A ishte ky vërtet një short i rastësishëm? Apo një përjashtim i menduar?

Ky nuk është ndëshkim sportiv, por ndëshkim politik, i motivuar nga frika se zëri i tribunës mund të prishë regjinë diplomatike të bashkëjetesës falso.

Në sfond, lojtarëve të Kombëtares u është kërkuar të jenë të kujdesshëm. Jo vetëm në fushë, por edhe në intervista. Udhëzimet nga lart kanë qenë të qarta: pa deklarata emocionale, pa ndjenja kombëtare të forta, pa asnjë tension “politik” ndaj Serbisë.

Një Kombëtare që luan në heshtje, dhe një tribunë që hesht me forcë. Kjo nuk është më atmosferë sportive – është skenografi politike.

Stadiumi “Air Albania” më 7 qershor nuk i përngjante aspak një feste popullore. Ai u mbush me figura që s’e kanë kënduar kurrë himnin, por e kanë të lehtë të marrin ftesa VIP.

Ndërsa sektorët që dikur përthithnin thirrjet më të zjarrta të kombëtares, që valëvisnin flamurin kudo në Europë, këtë herë ishin bosh. Pse? Sepse nuk përputheshin me imazhin politik të ngjarjes.

Stadiumi nuk është më i popullit

FSHF ka marrë përsipër të zëvendësojë pasionin me “etiketë”, zërin me “mirësjellje”, dhe tifozin e thjeshtë me të ftuarin e ekranit. Dhe për këtë, nuk ka më justifikim.

Kur zëri i TKZ përjashtohet, përjashtohet vetë zemra e tribunes. FSHF ka organizuar, firmosur dhe zbatuar një vendim që synon jo sportin, por shtypjen e mendimit të lirë dhe kritik.

Kombëtarja e Shqipërisë nuk është pronë e Federatës, as e politikanëve që shfaqen në ndeshje për kamerat. Ajo është e shqiptarëve kudo – dhe përjashtimi i TKZ është një mesazh i rrezikshëm: “Nëse nuk pajtoheni me ne, nuk keni vend në stadium.”

Ky është momenti kur heshtja s’mund të vazhdojë.

FSHF duhet të japë llogari. Jo për listën e shortit – por për zgjedhjen e vetëdijshme për të heshtur tribunën, për të ndëshkuar qëndrimin dhe për të deformuar frymën e kombëtares.

PËRMBLEDHJE

KOSOVA NË 2024!

Koha për përmbledhjen vjetore të ngjarjeve më të rëndësishme në sportin kosovar përgjatë vitit 2024.

Padyshim, vëmendjen edhe këtë vit e merr xhudo, që këtë vit na solli dy medalje olimpike nga Parisi.

Viti 2024 për t’u mbajtur mend ishte edhe për 2 Korrikun U19, për skuadrat kosovare të hendbollit në garat evropiane, për tenistet e reja kosovare falë sukseseve në turnetë e ndryshëm ndërkombëtarë, ndërsa nëse flasim për futbollistët kosovarë që luajnë në Evropë, ky ishte viti i Edon Zhegrovës.

1. Xhudistet e Kosovës, dy medalje olimpike në Paris

Si zakonisht, edhe gjatë vitit 2024 sporti kosovar sukseset më të mëdha i arriti në sportin e xhudos. Driton Kuka me super-ekipin e tij vazhduan punën e palodhshme dhe nga Lojërat Olimpike të Parisit u kthyen me dy medalje.

Nga pesë xhudistët e Kosovës që garuan në këto Lojëra Olimpike, dy prej tyre u kthyen me medalje. Distria Krasniqi mori medalje të argjendtë, e Laura Fazliu mori medalje të bronztë në debutimin e saj olimpik.

KOSOVA NË 2023!

Kështu, numri total i medaljeve të Kosovës në Lojëra Olimpike shkon në 5. Të gjitha janë fituar në sportin e xhudos.

2. KB Trepça e KBF Bashkimi dominojnë në basketbollin vendor

KB Trepça ishte skuadra dominuese e basketbollit vendor te meshkujt. Skuadra në fjalë përgjatë vitit 2024 fitoi Ligën, Superkupën e Kosovës dhe Kupën e Kosovës, duke kompletuar një vit fantastik.

Në ligë, mitrovicasit në serinë finale fituan 3-2 ndaj Yllit të Suharekës, për ta fituar kështu titullin kampion pas 12 viteve!

KOSOVA NË 2022!

Ngjashëm, dominim kishte edhe skuadra e Bashkimit te vajzat. Kjo skuadër në prill të vitit 2024 kompletoi tripletën e basketbollit për të dytin vit me radhë, duke shkruar histori në basketbollin kosovar.

3. Ballkani kampion, Drita arrin Play Off-in e Conference League, KFF Mitrovica dominon te vajzat

Për të tretin vit me radhë, Ballkani u shpall kampion i Kosovës në futboll te meshkujt. Të udhëhequr nga Ilir Daja (tashmë i larguar), suharekasit u shpallën kampionë në ligë, si dhe fitues të Kupës. Për dallim prej dy viteve të mëparshme, ku kjo skuadër arriti fazën grupore të UEFA Conference League, kjo arritje përgjatë vitit 2024 nuk u përsërit.

KOSOVA NË 2021!

Skuadra kosovare që më së shumti iu afrua garave evropiane gjatë vitit 2024 ishte Drita, e cila për herë të parë shkoi deri në Play Off të UEFA Conference League, që është një hap larg fazës grupore të kësaj gare. Në Play Off, Drita u eliminua nga Legia e Varshavës.

Te futbolli i vajzave, KFF Mitrovica vazhdoi dominimin. Kjo skuadër fitoi kampionatin dhe Kupën e Kosovës, duke e mbyllur sezonin me kurorë të dyfishtë.

4. 2 Korriku U19, aventurë e suksesshme në UEFA Youth League

Viti 2024 ishte vit fantastik për skuadrën e 2 Korrikut U19.

Skuadra kosovare, që tash e sa kohë njihet për punën e saj të vazhdueshme në zhvillimin e lojtarëve të rinj, këtë vit mori pjesë në UEFA Youth League, ku shkoi deri në rrethin e tretë të garës.

KOSOVA NË 2020!

2 Korriku U19 eliminoi Bylisin e Shqipërisë në rrethin e parë, më pas eliminoi skuadrën UC Dublin nga Irlanda, e në rrrethin e tretë u eliminua nga skuadra e Dinamos së Kievit, një skuadër gjigande dhe me shumë përvojë në Evropë.

5. Learta Muharremi e Arlind Rushiti, suksese historike në sportin e tenisit

Sa i përket tenisit të Kosovës, krahas përmirësimit të infrastrukturës në vend, gjatë këtij vit sukseset për t’u veçuar janë ato të Learta Muharremit dhe Arlinda Rushitit.

Learta, kategoria U14, u bë tenistja e parë kosovare që fitoi një turne ndërkombëtar në këtë kategori, ndërsa Arlinda Rushiti, tashmë emër i mirënjohur i tenisit vendor, u bë tenistja e parë kosovare që fitoi një turne ndërkombëtar ITF - W15K.

KOSOVA NË 2019!

Gjithashtu, gjatë vitit 2024 vajzat e Kosovës e përfaqësuan shtetin Kampionatin Botëror “BJK Cup”. Me dy fitore dhe një humbje, vajzat e Kosovës arritën që ta ruanin vendin në Grupin II të zonës Evropë/Afrikë për kampionatin e radhës.

6. Referët nga Kosova, drejtues të ndeshjeve në grupet e Conference League

Gjatë vitit 2024 është shtuar numri i delegimeve për referët e Kosovës në garat që organizohen nga UEFA.

Pa harruar edhe ndeshet që referuan në ndeshjet për grupmosha më të reja apo ndeshjet e fazës kualifikuese, dy ndeshjet për t’u përmendur që referët kryesorë u deleguan përgjatë vitit 2024 janë ato në kuadër të  fazës grupore në UEFA Conference League.

KOSOVA NË 2018!

Genc Nuza si refer kryesor me ndihmësit Edmond Zeqiri e Granit Hyseni në fushë, Ilir Mehmeti si gjyqtar i katërt dhe Dardan Çaka (VAR) e drejtuan ndeshjen Djurgarden vs. Vitoria në Stokholm të Suedisë, e ndeshjen Basaksehir vs. Petrocub në Stamboll e drejtoi si kryesor gjithashtu Genc Nuza, e si ndihmës kishte referët Fatlum Berisha e Bujar Selimaj në fushë, Eridon Podvorica ishte gjyqtar i katërt, kurse në VAR ishin Dardan Çaka e Visar Kastrati.

7. Kosova U18, kampione e Evropianit U18, Divizioni B & KH Rahoveci e KHF Istogu me sukses garat evropiane

Në gusht të vitit 2024, Kosova U18 u shpall kampione e Evropianit U18, Divizioni B. Turneu u mbajt në Prishtinë, e në finale djemtë e Kosovës fituan me rezultat 30-22 ndaj Gjeorgjisë.

Skuadrat më të mira të hendbollit vendor, KH Rahoveci e KHF Istogu, gjatë vitit 2024 treguan paraqitje tejet të mira në garat evropiane.

Djemtë e Rahovecit, që në maj të këtij viti e fituan titullin e parë kampion të Kosovës në histori të klubit, e kaluan skuadrën belge Sezoens Achilles Bocholt në rrethin e dytë të EHF European Cup, e pastaj u eliminuan, ndonëse e fituan ndeshjen kthyese në Rumani, nga skuadra e mirënjohur Minaur Baia Mare. Kjo skuadër ishte gjysmëfinaliste në edicionin e kaluar të EHF European Cup.

Në anën tjetër, vajzat e Istogut u eliminuan nga skuadra çeke e Hazena Kynzhvart në rrethin e tretë të EHF European Cup. Në rrethin paraprak, istogaset e eliminuan skuadrën greke Pylaia nga Selaniku, duke shkruar kështu histori në hendbollin kosovar. Kjo ndodhi në pjesëmarrjen e tetë me radhë të kësaj skuadreje në garat evropiane.

Pjesëmarrje në EHF European Cup nga Kosova te meshkujt në këtë edicion patën edhe Besa e Pejës dhe Kastrioti i Ferizajit, por këto dy skuadra u eliminuan në përballjet e tyre të para. Kastrioti u eliminua nga Sloboda boshnjake, e Besa u eliminua nga çekët e Mesto Lovosice.

Ndërkohë te vajzat, në duelet e tyre të para u eliminuan KHF Ferizaj dhe KHF Samadrexha. Ferizajaset u eliminuan nga spanjollet e Valladolidit, e Samadrexhën e eliminoi skuadra portugeze Colegio de Gaia.

8. Donjeta Sadiku, një fitore historike në Lojërat Olimpike të Parisit

Në kategorinë deri në 60 kilogramë, Donjeta Sadiku u bë boksierja e parë nga Kosova që fitoi një përballje në Lojëra Olimpike. Për boksieren prishtinase kjo ishte pjesëmarrja e dytë në Lojëra Olimpike. Në Tokio 2020, ajo ishte mposhtur në duelin e saj të parë, e kësaj radhe ajo shkroi historinë, duke e fituar të paktën një duel.

Donjeta, me trajneren e saj Marjola Sallauka, e fitoi duelin e parë të saj në Lojërat Olimpike të Parisit, duke e mposhtur boksieren Thanaya Somnuek të Tajlandës, për të kaluar kështu në 1/8 e finales.

KOSOVA NË 2017!

Në përballjen e saj të dytë, boksierja kosovare u mposht nga kolumbianja Paola Angie Valdes Pana dhe kështu u eliminua nga gara.

Deri tash, Donjeta është garuesja e parë dhe e vetme deri tani, te vajzat e djemtë, që e ka përfaqësuar Kosovën në sportin e boksit në Lojëra Olimpike.

9. Përfaqësuesja e futbollit mbyllë vitin me rekord-renditje në FIFA

Më 17 shkurt 2024, në përvjetorin e pavarësisë, Kosova zyrtarisht emëroi përzgjedhës austriakun Franco Foda, fillimi i të cilit në detyrën e re është premtues.

Përfaqësuesja e Kosovës në futboll gjatë vitit 2024 zhvilloi gjithsej 9 ndeshje, prej të cilave 6 ishin zyrtare. Të gjitha ato ndeshje zyrtare u luajtën në kuadër të Ligës së Kombeve, ku Kosova përfundoi e dyta në Grupin C2, pas Rumanisë lidere të grupit. Kjo pozitë i mundëson Kosovës që të luajë në Play Off të Ligës së Kombeve në mars të vitit 2025, ku një triumf potencial do ta dërgonte në Ligën B të Kombeve për sezonin e ardhshëm.

Në renditjen përfundimtare të FIFA-së për vitin 2024, Kosova e pa veten në pozitën e 99 në Botë, që është një arritje rekord për shtetin tonë.

10. Shkëlqimi i Edon Zhegrovës në Ligue 1 dhe Champions League

Viti 2024 do të jetë i paharruar për Edon Zhegrovën  në aspektin individual.

Majtaku prishtinas kaloi te Lille në Ligue 1 nga Baseli i Zvicrës në janar të vitit 2022, por shpërthimi i tij ndodhi përgjatë vitit 2024.

KOSOVA NË 2016!

Përveç paraqitjeve dhe statistikave impresive në ligë, Zhegrova  shkëlqeu edhe gjatë ndeshjeve të Lillet në ndeshjet e Ligës së Kampionëve, ku për t’u veçuar është paraqitja e tij fantastike ndaj Real Madridit. Ndaj kampionit të Evropës, Edon Zhegrova ishte më i miri në fushë dhe me meritë e mori çmimin “Lojtari i Ndeshjes”. Atë takim Lille e fitoi 1-0 dhe goli erdhi nga penalltia e fituar pikërisht nga Edon Zhegrova.

Vlera momentale e Zhegrovës në Transfermarkt është 25 milionë euro.

EKSKLUZIVE

Stadiumi i qytetit në Gjakovë, zbulohet kapaciteti i plotë

Punimet në stadiumin e qytetit në Gjakovë po vazhdojnë pa pushim. Dje u publikuan foto nga fillimi i shtrirjes së barit, ndërsa edhe punimet “e vrazhda” në tribuna janë në vazhdim e sipër.

Sot TopSporti ka mësuar kapacitetin e shikuesve që do të ketë ky stadium.

Burime ekskluzive të TopSportit kanë bërë të ditur që stadiumi do t’i ketë 11,545 ulëse për shikues, e rreth 150 ulëse të tjera shtesë do të jenë për tribunën VIP dhe gazetarë e media.

TABELA E GRUPEVE - LIGA E PARË

Kujtojmë që klubi i Vëllaznimit për momentin ndeshjet e tij në Ligën e Parë po i zhvillon në stadiumin “Liman Gegaj” të Malishevës, me shpresën që, sipas planit të ndërtimit, stadiumi plotësisht i renovuar dhe gati për lojë të jetë për fillimin e sezonit 2026/2027.

BALLON d'OR 2024

Kush votoi për kë në Topin e Artë 2024?

Topi i Artë 2024 nxorri fitues një futbollist spanjoll. Për herë të parë që prej vitit 1960 një futbollist i Spanjës ka arritur që të fitojë trofeun e çmuar që e jep France Football për vitin/sezonin e kaluar dhe sukseseve të tij të arritura përgjatë vitit futbollistik.

Luis Suarez i Barcelonës (i vjetri) në vitin 1960 ka qenë fituesi i fundit nga Spanja që ka triumfuar në Ballon d’Or duke e lënë pas Ferenc Puskasin e Real Madridit dhe Uwe Seelerin e Hamburgut!

Rodri i Manchester Cityt, kësaj radhe pas vitit të shkëlqyer futbollistik ka fituar Topin e Artë, ndër të tjera, duke i sjellë shpresa mesfushorëve qendror që nuk vlerësohen zakonisht por edhe mbrojtësve e portierëve.

Në votime për Topin e Artë 2024 kanë marrë pjesë 100 gazetarë nga 100 shtetet e para të renditura në listën mujore të FIFAs, ndërsa në listën prej 30 futbollistëve të dhënë nga France Football secili ka pasur të drejtë vote për 10 futbollistë, për të krijuar çdonjëri TOP-10’shen e tij.

E në listë, sipas renditjes nga secili, votat janë vlerësuar me 15 pikë i pari, 12 i dyti, 10 i treti, pastaj 8, 7, 5, 4, 3, 2 dhe 1 për të dhjetin.

Në listën me 30 lojtarë për tu votuar, votuesit kanë pasur edhe tre kushtet kryesore për t’i radhitur sipas vlerësimit të tyre.

3 KRITERET KRYESORE:

1. Performanca individuale, vendimtare dhe karakteri impresiv
2. Performanca ekipore dhe arritjet
3. Klasi i lojtarit dhe fair-playi.

Disa nga votuesit për Topin e Artë 2024 kanë bërë publike votat e tyre në mediat e vendeve të tyre, ndërsa të tjerët kanë publikuar ato në rrjete sociale, dhe nga të gjithë deri tash që kemi mundur t’i gjejmë - po i publikojmë.

Së pari, po i japim rezultatet finale (pa numër, për shkak se ende nuk janë publikuar të gjitha) e më poshtë shikoni edhe votat e atyre gazetarëve që kanë pasur të drejtë vote.

TOPI I ARTË 2024 | BALLON D’OR 2024

LISTA PËRFUNDIMTARE:

1. Rodri (fitues)
2. Vinicius Jr
3. Jude Bellingham
4. Dani Carvajal
5. Erling Haaland
6. Kylian Mbappe
7. Lautaro Martinez
8. Lamine Yamal
9. Toni Kroos
10. Harry Kane
11. Phil Foden
12. Florian Wirtz
13. Dani Olmo
14. Ademola Lookman
15. Nico Williams
16. Granit Xhaka
17. Federico Valverde
18. Emiliano Martinez
19. Martin Odegaard
20. Hakan Calhanoglu
21. Bukayo Saka
22. Antonio Rudiger
23. Ruben Dias
24. William Saliba
25. Cole Palmer
26. Declan Rice
27. Vitinha
28. Alejandro Grimaldo
29. Mats Hummels
30. Artem Dovbyk.

VOTAT SIPAS SHTETEVE/GAZETARËVE:

EL SALVADOR: BRUNO PORZIO

Bellingham 15
Haaland 12
Kroos 10
Lautaro Martínez 8
Dani Olmo 7
Calhanoglu 5
Rodri 4
Wirtz 3
Foden 2
Rúben Dias 1

SPANJË: ALFREDO RELANO

Vinicius Jr 15
Rodri 12
Bellingham 10
Kroos 8
Carvajal 7

UKRAINË: IGOR LINNYK

Rodri 15
Carvajal 12
Bellingham 10
Vinicius Jr 8

MEKSIKË: SALVADOR AGUILERA

Vinicius Jr 15
Carvajal 12
Rodri 10

EKUADOR: PATRICIO CORNEIRO GARCES

Kroos 15
Vinicius Jr 12
Nico Williams 10

KROACI: ZDRAVKO REIC

Rodri 15
Carvajal 12
Lautaro Martínez 10
Vinicius Jr 8
Mbappé 7
Haaland 5
Lamine Yamal 4
Wirtz 3
Bellingham 2
Kroos 1

SHQIPËRI: BESNIK DIZDARI

Rodri 15
Lamine Yamal 12
Carvajal 10
Bellingham 8
Rüdiger 7
Haaland 5
Lautaro Martínez 4
Vinicius Jr 3
Mbappé 2
Xhaka 1

KILI: DANILO DIAZ

Rodri 15
Lautaro Martínez 12
Carvajal 10

SKOCI: JOHN GREECHAN

Bellingham 15

BRAZIL: CLEBER MACHADO

Vinicius Jr 15
Rodri 12
Bellingham 10

ITALI: PAOLO CONDO

Rodri 15
Vinicius Jr 12
Bellingham 10

NORVEGJI: LARS TJAERNASS

Rodri 15

ÇEKI: STANISLAV HRABE

Rodri 15
Kroos 12
Lamine Yamal 10
Lautaro Martínez 8
Bellingham 7
Haaland 5
Kane 4
Dani Olmo 3
Vinicius Jr 2
Carvajal 1

VENECUELË: FRANCISCO BLAVIA

Rodri 15
Vinicius Jr 12
Bellingham 10

KINË: LUO MING

Rodri 15
Bellingham 12
Vinicius Jr 10

PANAMA: CAMPO ESTRADA

Vinicius Jr 15

MEKSIKË: SALVADOR AGUILERA

Vinicius Jr 15
Carvajal 12
Rodri 10

MAROK: MOSTAFA BADRI

Vinicius Jr 15
Rodri 12
Bellingham 10

GUINEA EKUATORIALE: FERNANDO ABESO

Vinicius Jr 15
Nico Williams 12
Rodri 10.

*Lista do të rifreskohet sa herë të gjejmë ndonjë publikim tjetër të votave.

Kush fitoi më së shumti?

Mëposhtë, mund të shihni 20 ekipet me fitim më të madh gjatë stinorit të kaluar sipas Deloitte.

Deloitte është kompani profesionale, grupi sportivo-biznesor i së cilës nxjerr tabelën vjetore të klubeve me më së shumti të ardhura.

Manchester United ende rekorder

Që nga viti 1992, Kategoria elitare angleze vendosi që të mos quhet më “The Football League First Divison” por të ndërronte emrin në “English Premier League”. Dhe që nga ky vit, jo shumë skuadra kanë qëndruar në krye të renditjes për një kohë të gjatë. Rekordi vazhdon të mbahet nga United, të cilët kanë 13 tituj të fituar që nga viti 1992. Pas tyre vjen Chelsea dhe sukseset e tyre në dekadën e fundit.

Ja lista e plotë e skuadrave dhe numri i ditëve që ato kanë qëndruar në krye:

United 2294 ditë
Chelsea 1326 ditë
Arsenal 978 ditë
Newcastle 360 ditë
City 301 ditë
Liverpool 288 ditë

Vendosja e standardit

Ka qenë data e sotme, 20 qershor, ndërsa viti 1976, 39 vite më parë.

Futbollisti i Çekosllovakisë së atëhershme Antonin Panenka merr të shutojë penalltinë e fundit për reprezentacionin e tij në finale të Kampionatit Europian, EURO 1976 - për të vendosur trendin e ri botëror!

Çekosllovakia me penalltinë e tij fitoi titullin e europianit që u mbajt në Jugosllavi.

Shikojeni videon e mëposhtme!

MEDIA TALK

Zeniti interesohet për Dakun

Është konfirmuar interesimi i ekipit të madh rus, Zenit St Petersburg për Mirlind Dakun, të cilin e quajnë sulmues me karakter.

Sipas Soccerit rus, anëtari i bordit të Zenitit Aleksandr Medvedev, tha se, skautët e klubit janë duke e përcjellë qe një kohë Dakun, ndërsa sulmuesi i Shqipërisë pritet të ulet në tavolinë me ekipin në fjalë, pasi që te Rubini - vetëm dy gjëra nuk po i pëlqejnë: rroga dhe ambiciet e klubit.

EDHE DRILONI ZYRTARIZOHET

Drilon Islami prezantohet te CFR Cluj

Mesfushori i dalluar Drilon Islami edhe zyrtarisht është pjesë e ekipit rumun, CFR Cluj. Ai aty kaloi si lojtar i lirë prej FC Prishtinës, ndërsa para kësaj kishte qenë pjesë e FC Ferizajit.

Islami 24-vjeçar qe disa vjet është parë si organizator i mirë i lojës dhe rumunët nuk kanë humbur mundësinë për ta pasur atë në ekip. Vlera e Drilonit në Transfermarkt shkon deri në 600 mijë euro aktualisht.

Cluj në njoftimin për ardhjen e Drilonit ka shkruar shkurt: I gatshëm për të dhënë...

Tash, mesfusha e Clujit përbëhet nga tre futbollistë të Kosovës, pasi që aty më herët ka qenë Meriton Korenica dhe së fundi Lindon Emërllahu. Përndryshe Islami me Prishtinën në stinorin 2024/25 fitoi Kupën e Kosovës, ndërkaq në 81% të ndeshjeve të ekipit ka qenë startues, me mesatare rreth 80 minuta për lojë.

CAMPIONE D'ITALIA

Napoli shpallet kampion i Italisë, titulli i dytë për Amir Rrahmanin!

Për herë të katërt në histori, Napoli është kampion i Italisë në futboll!

Qyteti i Maradonës, që shquhet për dashurinë e pafund për futbollin, sonte feston titullin kampion të Italisë, titull që është i dyti në tri vitet e fundit, pas atij të sezonit 2022/2023.

Ndonëse Interi e fitoi ndeshjen e vet ndaj Comos, Napolit i mjaftoi fitorja 2-0 në ndeshjen ndaj Cagliarit, për ta fituar kështu titullin kampion me një pikë diferencë (Napoli 82 pikë, Interi 81 pikë).

Për ndeshjen e sontme, 400 mijë persona kishin provuar të blenin bileta, për të qenë pjesë e historisë, por në pamundësi që të gjithë të ishin në stadium, festa padyshim u bart në rrugët e qytetit, e me gjasë do të vazhdojë për ditë me radhë.

Vitin e kaluar Napoli përfundoi i dhjeti në renditje, e megjithë largimet e emrave të shquar të skuadrës si Osimhen e Kvaratskhelia, Antonio Conte arriti që ta fitojë titullin kampion, një arritje fantastike.

Lojtari më i mirë i sezonit në Serie A u shpall Scott McTominay, që doli të ishte një transferim fantastik nga Manchester United.

Ky është titulli i dytë i kampionit të Italisë për Amir Rrahmanin, kapitenin e Kosovës, që ishte një startues i padiskutueshëm në Napolin e këtij sezoni.

ZYRTARIZOHET TE PARTIZANI

Herolind Shala prezantohet te Partizani

Mesfushori i Kosovës, Herolind Shala, është prezantuar dje te Partizani i Tiranës si lojtar i ri i saj. Mesfushori qendror, 33 vjeçar, që ka bërë karrierë në ligën çeke, turke dhe norvegjeze, ka nënshkruar kontratë deri në fund të stinorit të ardhshëm me Partizanin.

Shala që do të jetë pjesë e klubit deri në fund të stinorit 2025/26, është prezantuar nga trajneri Skender Gega, që ia kishte bërë ftesën për grupmoshat e kombëtares shqiptare, kur Kosova ende nuk ishte pranuar në UEFA e FIFA.

Gega, i ka uruar mirë se ardhje lojtarit, ndërkaq Partizani që po lufton për playoffin e titullit në Shqipëri, aktualisht është në pozitë të katërt të tabelës (Top-4 siguron playoffin për titull). Partizani ka një pikë më shumë sesa Elbasani që është në pozitë të pestë dhe lufta për këtë pozitë do të vazhdojë në dy ndeshjet e radhës, që mbyllin stinorin e rregullt në Superiore.

FISNIK ASLLANI NË 11-SHE TË KICKERIT

Hat-tricku e fut në 11-shen e javës nga prestigjiozja gjermane

Performanca e shkëlqyer e sulmuesit të Kosovës, Fisnik Asllani, në fundjavë, ka bërë që ai të futet në 11-shen më të mirë të javës nga revista prestigjioze gjermane, Kicker.

Asllani ka qenë protagonisti kryesor i ekipit të tij në fitoren e shënuar si mysafir ndaj Hannoverit. Këta të fundit kishin epërsi në pjesë të parë, ndërsa Asllani me hat-trickun e tij në pjesë të dytë solli fitore për Elversburgun 1-3, që i mbanë gjallë shpresat e ekipit për të arritur Bundesligën!

Elversberg me këtë fitore ka ruajtur pozitën e tretë në Bundesliga 2. Kjo pozitë siguron playoffin për Bundesligë. Deri në fund të stinorit kanë mbetur edhe 5 xhiro. Renditja aktuale është mjaft interesante dhe secili ekip prej të parit deri te i nënti ka shpresa për Bundesligë!

1. Hannover 52 pikë,
2. Koln 51,
3. Elversberg 47,
4. Fortuna 47,
5. Magdeburg 46,
6. Kaiserslautern 46,
7. Paderborn 45,
8. Nurnberg 44,
9. Hannover 43.

LINDON EMËRLLAHU NË CLUJ

Rekord-transferi i ligës rumune, krahasohet me mesfushorin kroat

Ditë më parë u bë i ditur lajmi se mesfushori i Ballkanit dhe i reprezentacionit të Kosovës, Lindon Emërllahu, ka arritur marrëveshje me ekipin rumun CFR Cluj. Më pas, mediat rumune bën të ditur lajmin edhe nga ana e tyre, derisa Ballkani e Cluj dolën me njoftim zyrtare.

Futbollisti më i mirë i vitit 2024 në Kosovë, Emërllahu, i lindur në Mushtisht të Suharekës dhe i rritur te FC Ballkani që prej grupmoshave të reja, që luan në pozitën e mesfushorit qendror dhe defanziv e në Transfermarkt vlerësohet me 1 milionë euro, është lojtar më i ri i ekipit rumun në fjalë.

Por, këtu nuk përfundoi gjithçka! Ai është së pari transferi më i shtrenjtë i afatit kalimtar dimëror në ligën elite të Rumanisë. Me çmim prej 700 mijë euro të paguara drejt Ballkanit, bashkë me 15% të pronësisë, Lindoni është transferi më i paguar në këtë afat kalimtar aty.

Për më tepër ish-lojtari, tash kreu i ekipit rumun Ioan Varga ka thënë se ekipi ka bërë punë të mirë me marrjen e Emërllahut nga Ballkani. Bile, ai ka thënë se ai është 6-shja më e mirë që ka ardhur ndonjëherë në Rumani, shkruan Digisporti rumun.

“Kemi bërë punë shumë të mirë në ditët e fundit të afatit kalimtar duke e marrë Lindon Emërllahun nga Ballkani. Ai është ndoshta 6-shja më e mirë që ndonjëherë ka ardhur në Rumani. Kemi paguar 700 mijë euro për kartonin e tij, plus 15% të transferit të tij të ardhshëm ia kemi ish-ekipit,” ka thënë ai.

“Ai është futbollist i jashtëzakonshëm. Ai do të lë gjurmë menjëherë në lojën e Clujit. Ka pasur këtu edhe lojtarë tjerë nga Kosova, por Emërllahu është më i vlefshmi që ka sjellë menaxhmenti. Këtë transfer e kemi mbajtur sekret deri tash, pasi që kemi kërkuar që lojtari të jetë vetëm i yni.”

“Ai është lojtar që mund të bëj dallimin në lojë dhe mund të na ndihmojë ta fitojmë titullin. Nëse do të mund ta krahasoja me dikë, ai do të ishte Mateo Kovacic i Manchester Cityt,” ka thënë Varga.

DEKLARATA E KLUBIT DHE PORTIERIT

Mustafë Abdullahu kalon nga Malisheva te Karslruhe

I huazuari te Malisheva nga Tirana, Mustafë Abdullahu, është lojtar i ri i Karlruhes që garon në Bundesligën 2 të Gjermanisë. Portieri i Kosovës U-21, që ka qenë gjatë vjeshtës portier te Malisheva, me letra është lojtar i Tiranës, ndërsa klubi gjerman në fjalë e ka huazuar atë deri në fund të stinorit.

“Portieri Mustafë Abdullahu i bashkohet Karlsruher SC si huazim deri në fund të stinorit 2024/25 me opsion blerjeje. Portieri 20 vjeçar i Kosovës U-21 është nën ndjekje qe sa kohë për ekipin tonë dhe nga trajneri i portierëve Markus Miller. Ai u vlerësua veçanërisht në përballjen ndaj Gjermanisë U-21 në mars të vitit 2024. Portieri 199 centimetra i gjatë është në huazim nga Tirana te Malisheva, por huazimin e ka ndërprerë për tu bërë pjesë e klubit tonë. Në “Wildpark” ai do të bart fanellën me numrin 33,” ka shkruar ksc.de.

Në anën tjetër, portieri Abdullahu që është i lindur në Podujevë dhe pas Llapit U-19 kishte kaluar te Feronikeli’74 për të shkuar më pas në futbollin e Shqipërisë ku ka qenë pjesë e Besës dhe Tiranës në deklaratën e parë të tij si portier i Karlsruhes ka thënë:

“Interesimi nga KSC dhe Markus Miller më ka befasuar jashtëzakonisht. Mezi pres sfidën e radhës, dua të mësoj gjëra të reja në secilën stërvitje dhe të pasuroj ekipin e portierëve prapa Max Weissit. Mezi pres të zbres në fushë si pjesë e KSC-së!”

VOJVODA TE COMO

Mërgim Vojvoda është lojtar i ri i Comos

Pasi që Torino vendosi për të bërë transferin e Cristiano Biraghit nga Fiorentina, u hap dera që Mërgim Vojvoda të shkojë drejt Comos që drejtohet nga Cesc Fabregas.

Como ka zyrtarizuar mbrëmë ardhjen e mbrojtësit të krahut të Kosovës, Mërgim Vojvoda, si lojtar të ri të saj, ndërsa ekipi italian ka bërë të ditur se nënshkruar kontratë me kosovarin deri në vitin 2028.

Vetë Fabregas në faqen zyrtare të Comos ka thënë: “Mërgimi do të sjellë përvojën, këmbëngulësinë dhe forcën në mbrojtjen e ekipit tonë. Aftësia e tij për të manovruar në disa pozita të mbrojtjes bashkë me përvojën, do të sjellin vazhdimësi në ngritjen e kësaj faze të ekipit.”

Ndërkaq, Vojvoda ka shprehur kënaqësinë e tij që është bërë pjesë e skuadrës së Comos, duke theksuar për ekipin cilësor që zotëron Como në Serie A, ndërsa pas bisedës me Fabregasin mezi pret që të punojë në projektin e tij.

Como aktualisht është i 15-ti në Serie A me 22 pikë pas 23 ndeshjeve dhe po lufton për të siguruar qëndrimin në elitë.

EDONI NË ITALI

Edon Maxhuni zyrtarizohet te ekipi italian

Basketbollisti me origjinë nga Kosova, Edon Maxhuni, që mbanë edhe pasaportë finlandeze, është zyrtarizuar sot si lojtar i ri i Scafati Basket në Serie A të Italisë.

“Givova Scafati ju njofton se ka transferuar basketbollistin Edon Maxhuni, playmakeri finlandez, vjen me përvojë nga Strasbourgu i elitës së basketbollit francez,” është thënë në njoftimin për afrimin e ekipit italian.

Scafati që aktualisht drejtohet nga treajneri Marco Ramondino është i fundit në renditjen tabelare të Serie A-së, me bilanc 4-13. Vetë trajneri italian ka pasur fjalë të mira për transferin e ri të ekipit.

“Falenderoj klubin që ka bërë edhe një përpjekje për t’i dhënë ekipit të gjitha mjetet e nevojshme për tu rritur edhe më shumë dhe për të vazhduar me përmirësime të nevojshme për pjesën finale të stinorit, duke ditur rëndësitë e ndeshjeve,” ka thënë Ramondino fillimisht për faqen zyrtare të klubit, scafatibasket.com.

Për më tepër, ai ka shtuar: “Jemi të bindur se lojtari me përvojë dhe me aftësi të dëshmuara në lojë me top dhe pa top si Maxhuni, do të ndihmojnë në rritjen e nivelit të ekipit dhe basketbollit funksional. Mezi presim të fillojmë punën me të dhe ta integrojmë sa më shpejtë në ekip.”

I lindur në Hyvinkaa të Finlandës, Maxhuni 26-vjeçar ka bërë karrierë në HBA Marsky, pastaj Gran Canaria, Parnu Sadam, Heroes Den Bosch, Crailsheim Merlins, ESSM Le Portel dhe së fundi në SIG Strasbourg. Përndryshe, ai është pjesë e rregullt e reprezentacionit finlandez të basketbollit.

LOJTAR I LIRË

Rapid Bukureshti ndanë rrugët me Florent Hasanin

Futbollisti i Kosovës, Florent Hasani, ka ndarë rrugët me ekipin rumun, Rapid Bukuresht. Njoftimin e ka dhënë ekipi rumun, ndërsa ka bërë të ditur se me marrëveshje ka ndarë rrugët me krahun e sulmit, Hasani.

Hasani 27-vjeçar që ka nisur karrierën te Vushtrria dhe ka pasur aventura në Shqipëri, Hungari dhe së fundi edhe Rumani, nuk ka arritur të përmbushë pritjet e ekipit rumun, ndërsa ka shënuar 1 gol në 34 ndeshje të luajtura për Rapidin. Ai kishte ardhur te Rapidi si golashënues më i mirë i Superiores shqiptare.

“FC Rapid dhe Florent Hasani kanë arritur marrëveshje për ndërprerje të kontratës! I ardhur në vitin 2024 nga pozita e golashënuesit më të mirë të Superiores shqiptare, Hasani dha vetëm një gol për Rapidin në 34 ndeshje, duke dhënë edhe 3 asistime. Paç fat Florent!” ka shkruar FC Rapidi në njoftimin për lojtarin në fjalë.

Florenti në 50 ndeshje për Tiranën kishte shënuar 26 gola. Ai është gjithashtu pjesë e reprezentacionit të Kosovës, por jo gjithëherë ftohet. Për Kosovën U-21 ka shënuar 3 gola në 10 paraqitje, kurse për Kosovën 1 gol në 8 paraqitje.

SHKËLQIMI I RASHICËS NË DEBUTIM TË SOLSKJAERIT

Milot Rashica i jep fillim të mbarë Solskjaerit te Besiktasi

Futbollisti i Kosovës, Milot Rashica, i ka dhënë nismë të mbarë trajnerit të ri në ekip, Ole Gunnar Solskjaerit sonte, në ndeshjen në kuadër të Ligës së Evropës, ku Besiktas mposhti në Stamboll Athletic Bilbaon, 4-1 [Rashica 17’, 60’, Rafa Silva 77’, Joao Mario 90’+2 pen. - Unai Gomez 45’].

Rashica ka shënuar golin e epërsisë fillestare 1-0, me një plasim të bukur, ndërsa në pjesë të dytë i ka dhënë avantazhin ekipit të tij 2-1. Pas kësaj, mesfushori i krahut, Rashica ka asistuar për portugezin Rafa Silva për t’i shtuar avantazhin ekipit, ndërsa më pas u zëvendësua nga Solskjaer në minutën e 80-të të ndeshjes.

Përndryshe, për Besiktasin kjo ka qenë fitorja e tretë në kuadër të Ligës së Evropës, ndërsa ekipi ka 9 pikë nga 7 ndeshje të luajtura dhe është në pozitë të 18-të të renditjes për momentin.

Muci’nin 3 kişi arasından çalımla çıkıp Rafa Silva’yı görmesi,
Rafa Silva’nın akıl dolu topuk pası,
Rashica’nın usta işi bitirişi..

Nereden bakarsan bak muhteşem bir gol.pic.twitter.com/mhGcDpHmhn

— FootballFanzone (@foootballo) January 22, 2025

DREJT BULLGARISË

Rënia vazhdon, Dajaku te CSKA!

Futbollisti 23 vjeçar, prej të cilit pritej shumë në karrierë, po vazhdon me rënien e lirë në karrierë dhe tashmë pasi që u përjashtua nga ekipi i Hajdukut të Splitit ku nuk arriti t’i bindet urdhërave të Gennaro Gattusos, është bërë anëtar i CSKA-së së Sofjes.

Leon Dajaku, sulmues i krahut që u rrit në Gjermani dhe pasi që kaloi gati të gjitha grupmoshat e Stuttgartit arriti në Bayern II e më pas Union Berlin, nuk arriti më tej të përparojë. Në stinorin 2022/23 ai ra prej Sunderlandit në St Gallen, e më pas në Hajduk, kurse së fundi në CSKA të Sofjes.

RIKTHEHET NË KOSOVË

Mirel Josa, trajner i ri i Vëllaznimit

Gjashtëdhjetë e një vjeçari, Mirel Josa, i është rikthyer futbollit të Kosovës. Pas aventurës që kishte me Prishtinën vite më parë, tiranasi është emëruar edhe zyrtarisht sot si trajner i ri i Vëllaznimit, që garon në Ligë të Parë - Grupi A dhe mëton ta arrijë Superligën këtë stinor.

Josa është emëruar shef i shtabit teknik të kuqezinjëve, ndërsa prej sot ka nisur punën për ta përgatitur ekipin për pjesën pranverore të stinorit.

“Me kënaqësi ju njoftojmë që KF Vëllaznimi ka arritur marrëveshje me Trajnerin e mirënjohur Mirel Josa.
Josa nga sot e ka filluar detyren e shefit të shtabit teknik në klubin Kuqezi dhe përgatitjet për sezonën pranverore.
Mirel Josa një emër i njohur në futbollin mbarëshqiptar, me një përvojë të jashtëzakonshme dhe një vizion të qartë për të vazhduar me KF Vëllaznimin.

Mirel Josa: 5x Kampion i Shqipërisë; 2x Fitues i Kupës së Shqipërisë; 2x Fitues i Superkupës së Shqipërisë; 1x Fitues i Kupës së Kosovës. Klubet e mëparshme: KF Tirana, FC Skënderbeu, KF Vllaznia dhe FC Prishtina,” ka shkruar njoftimi i KF Vëllaznimit.

Vëllaznimi përndryshe nisi stinorin me trajnerin Leotrim Krasniqi. Vjeshtën e kreu në pozitë të dytë të renditjes tabelare me vetëm katër pikë më pak sesa Drenica lidere. Kujtojmë, fituesi i Grupit A të Ligës së Parë siguron biletën për Superligë, ndërkaq ekipi që përfundon në pozitë të dytë do të duhet të luajë dy ndeshje barazhi, t’i fitojë ato, dhe të bëhet pjesë e Superligës në stinorin 2025/26.

SOKOLI RIKTHEHET NË TURQI

Sokol Cikalleshi rikthehet në Turqi, pas periudhës së kaluar në Iran!

Ish sulmuesi i kombëtares shqiptare dhe rekord golashënuesi i huaj i Konyasporit, Sokol Cikalleshi, është rikthyer në futbollin turk. Pas periudhës së kaluar në ligën iraniane ku luajti për Tractorin, Cikalleshi i është kthyer Turqisë, ndërsa ka nënshkruar me ekipin Adanaspor.

Adanaspor garon në ligën e parë turke, ndërsa pas pjesës së parë të stinorit është në rrezik për rënie, pasi që është e parafundit në renditje (e 19-ta) dhe ka vetëm 15 pikë nga 19 ndeshjet e stinorit.

Qendërsulmuesi 34 vjeçar pjesën më të madhe të karrierës së tij e kaloi në Superligën turke, ndërsa së fundi ka qenë pjesë e Konyasporit. I lindur në Kavajë, Cikalleshi nisi karrierën e tij futbollistike te ekipi lokal kavajas, Besa.

FUTBOLLISTI RI I KOSOVËS, BËHET PJESË E FERIZAJIT

I rritur te Servette, Erion Salihu prezantohet te Ferizaji

Futbollisti i ri, 19 vjeçari Erion Salihu është prezantuar te Ferizaji si përforcim i ri i ekipit sot. Ekipi bardhekaltër ka bërë të ditur se ka arritur marrëveshje me lojtarin për të mbrojtur fanellat e ekipit të drejtuar nga Arsim Abazi këtë stinor.

“Erioni është vetëm 19 vjeç dhe ka një të ardhme shumë premtuese. Ai ka luajtur së fundmi me ekipin U19 të Servette në Zvicër, një klub i njohur për zhvillimin e talenteve të rinj. Përveç angazhimit me Servette, Erioni është pjesë e Kombëtares U19 të Kosovës, duke treguar potencialin e tij edhe në arenën ndërkombëtare,” ka bërë të ditur FC Ferizaji në njoftim.

Salihu që luan në pozitën e mesfushorit qendror dhe defanziv, është i lindur në Gjenevë të Zvicrës, ndërsa është majtak. Ai ka kaluar të gjitha grupmoshat e Servette, deri në U-19, ndërsa pas Zvicrës U-17 në moshën 18 vjeçare ka debutuar te Kosova U-19 ku ka katër paraqitje të regjistruara nën drejtimin e selektorit Adil Maliqi.

Ferizaji që këtë stinor u ngrit në Superligë, mision primar ka mbijetesën aty. Vjeshtën ekipi i Abazit e përfundoi në pozitë të tetë të tabelës, me 20 pikë nga 18 ndeshje. Ferizajasit kanë regjistruar 5 fitore, 5 barazime dhe 8 disfata në pjesën e parë të stinorit.

SULMUESI I KOSOVËS

Elbasan Rashani i jep shpresa Elches

Sulmuesi i Kosovës, Elbasan Rashani, që kaloi këtë verë te ekipi nga Segunda Divison i Spanjës, Elche, ka shënuar gol në minutën e fundit të ndeshjes mbrëmë, ashtu që të mbajë ekipin e tij në garë për LaLiga.

Rashani ka shënuar në minutën e 90-të të ndeshjes, ndërsa Elche ka mposhtur Real Zaragozën 1-0. Me këto tre pikë, Elche i është afruar në tre pikë lideres së LaLiga-2, Almeria.

Futbollisti i Kosovës u fut në lojë si zëvendëues prej minutës së 58-të të ndeshjes për të shënuar krejt në fund, për fitore. Ky ka qenë goli i dytë i stinorit për Rashanin 31 vjeç me ekipin e tij spanjoll.

UZUNI SHKRUAN HISTORI ME GRANADËN

Myrto Uzuni golashënuesi i huaj më i mirë në histori të Granadës

Sulmuesi i Shqipërisë, Myrto Uzuni, me hat-trickun e shënuar në xhiron e fundit në fitore ndaj Cartagenës është bërë golashënuesi më i mirë në histori të Granadës në shekullin XXI, ndërsa ai është njëkohësisht edhe golashënuesi më i mirë i huaj në histori të këtij klubi në Spanjë.

Uzuni 29 vjeç ka shënuar 49 gola në 105 paraqitje me Granadën në të gjitha garat, ndërsa beratasi akualisht është i dyti këtë stinor në listën e top-golashënuesve të LaLiga 2 me 14 gola. Aty lider është kolumbiani Luis Suarez që luan për Almerian dhe ka 15 gola të shënuara.

SULMUESI I KOSOVËS

Albion Rrahmani zgjidhet i huaji më i mirë në Rumani!

Këtë stinor e la Rumaninë, por Albion Rrahmani ka marrë më së shumti vota dhe është përzgjedhur futbollisti më i mirë i huaj i ligës rumune të futbollit, duke marrë çmimin nga AFAN Bucuresti si “Lojtari më i mirë i huaj i stinorit 2023/24”.

Në një postim të tijin në Instagram, Rrahmani që tashmë është lojtar i Sparta Pragës dhe ka shënuar dy gola në Ligë të Kampionëve në formatin e ri të saj, ka shprehur falenderime për trajnerët dhe lojtarët që kanë votuar për te. Gjithashtu, ai ka falenderuar edhe tërë klubin e Rapidit ku ka luajtur bashkë me staf, lojtarë e të tjerë.

Ceremonia e shoqatës së futbollistëve amatorë dhe jo amatorë të Rumanisë u organizua mbrëmë. Albion Rrahmani është bërë lojtari më i shtrenjtë i dalë nga Liga I rumune ndonjëherë, duke u shitur prej Rapidit të Bukureshtit drejt Spartës së Pragës për 5 milionë euro si dhe klubi rumun do të merr bonus 20% nga shitja e ardhshme potenciale e tij.

Përndryshe, Rrahmani ftohet rregullisht nga selektori i Kosovës Franco Foda.

KOSOVA

E FUNDIT: Bledian Krasniqi zgjedh Kosovën

Një lajm i mirë nga mediat zvicrane.

E mirënjohura Blick ka bërë të ditur pak më parë që futbollisti Bledian Krasniqi ka vendosur ta përfaqësojë Kosovën.

“Ka qenë pjesë e skuadrave zinxhirë të përfaqësueses së Zvicrës në futboll, por që nga sot e tutje Bledian Krasniqi ka vendosur ta përfaqësojë Kosovën, shtetin e prindërve të tij” - shkruan Blick.

Bledian Krasniqi është mesfushor ofansiv, 23-vjeçar, që për momentin luan te skuadra e Zurichut, aty ku edhe është zhvilluar si futbollist.

Deri më tash këtë sezon ai ka zhvilluar 13 paraqitje në elitën e futbollit zvicran, gjatë të cilave ka 2 gola e 2 asistime, ndërkohë që vlera e tij në treg sipas Transfermarkt është 1.5 milionë euro.

Lajmi në fjalë ende nuk është publikuar nga FFK-ja, por me gjasë njoftimi do të bëhet shumë shpejt.

FREDERIC VESELI

Mbrojtësi i kombëtares, zyrtarizohet në Superioren shqiptare

Mbrojtësi i kombëtares shqiptare, është zyrtarizuar te ekipi i Kategorisë Superiore, te kampioni aktual i Shqipërisë, Egnatia. Fjala është për Frederic Veselin, i cili së fundi ka qenë pa klub, pas një periudhe të kaluar në futbollin turk, te ekipi Karagumruk.

Sipas njoftimit të Engatias, Veseli 31 vjeç ka nënshkruar kontratë 2-sezonale me ekipin ndërsa tash e tutje do të punojë nën direktivat e trajnerit Edlir Tetova, që ka punuar edhe në Superligë të Kosovës me Ulpianën, disa vite më parë.

“Klub Futboll Egnatia njofton se ka firmosur kontratë deri në 2026 me qendërmbrojtësin e kombëtares Shqiptare Frederic Veseli. I formuar tek Manchester United 31-vjeçari është një vlerë e shtuar e klubit tonë dhe Abissnet Superligës.
Presidenti Agim Demrozi ka falenderuar Federic Veselin që besoj në projektin e Egnatias për vazhdimësinë e karrierës se tij.” - ka shkruar njoftimi i klubit.

Egnatia aktualisht është e treta në Superioren shqiptare. Ka 14 pikë pas 8 xhirosh, një më pak sesa lideri Partizani. Nga 14 pikë kanë edhe Vllaznia, dhe Dinamo City.