PËRFAQËSUESJA A NË HENDBOLL
Pamje nga ndeshja Kosova-Italia, në kualifikimet e mëparme/ BOROZANI/ D. S.
Kosova mëson rivalët në parakualifikime për Botëror
Teksti: FHK
10 March, 2017 @9:06
Është hedhur shorti për Kampionatin Botëror të shteteve në zhvillim në hendboll (meshkujt).
Ky është kampionati i dytë rresht që mbahet dhe Kosova nuk është edhe në grup të lehtë, për faktin se do të ballafaqohet me Turqinë që ka ekip mjaft të mirë.
“Kosova është në grup me Turqinë, Shqipërinë dhe Irlandën në Kampionatin e dytë të shteteve ne zhvillim te IHF-it qe zhvillohet nga data 11-19 qershor në Gabrovo dhe Veliko Ternovo të Bullgarisë”, kanë bërë të ditur zyrtarë të FHK-së pas shortit.
Kampionati i fundit ishte mbajtur në Kosovë në vitin 2015 dhe kombëtarja jonë zuri pozitën e tretë.
Shtetet pjesëmarrëse në këtë kampionat janë të renditura në grupet si mëposhtë.
GRUPET kualifikuese:
| GRUPI A: | Turqia, Kosova, Shqipëria dhe Irlanda. | ||
| GRUPI B: | Luksemburgu, Gjeorgjia, Malta dhe Britania e Madhe. | ||
| GRUPI C: | Qipro, Bullgaria, Andorra dhe Azerbejxhani. | ||
| GRUPI D: | Kina, Ishujt Faroe, Armenia dhe Molldavia. |
