DUELI I KTHIMIT, ME SHPRESA PËR HISTORI
Foto: KHRahoveci
Rahoveci kërkon fitoren historike sot
26 October, 2024 @8:33
“Mizahir Isma” sonte mëtohet të jetë e plotë, ndërsa bileta prej 1 eurosh është vendosur në çmim simbolik derisa KH Rahoveci kërkon të bëj një natë historike.
Epërsia prej tre golave e ekipit kundërshtar nga ndeshja e parë i jep shumë shpresa “vreshtarëve” për një rikthim dhe kualifikim tutje për herë të parë të skuadrës.
Për këtë, jo vetëm ekipi por edhe qyteti ka filluar mobilizimin për ndeshjen që luhet sonte në kuadër të EHF European Cup me fillim prej orës 19:00.
Te kampioni i Kosovës në hendboll, Rahoveci, janë mobilizuar maksimalisht për ndeshjen e dytë të raundit të dytë të Kupës Evropiane.
Të shtunën nga ora 19:00 në palestrën “Mizahir Isma”, Rahoveci takohet me skuadrën belge Sezoens Achilles Bocholt.
Ndeshjen e parë në Belgjikë, Rahoveci e humbi me tri gola dallim, 32:29.
Ndeshja ishte e barabartë dhe e hapur deri në fund.
Kjo jep shpresë se “vreshtarët”, të përkrahur nga shumë shikues që pritet të jenë në palestër, do ta përmbysin rezultatin e ndeshjes së parë.
Rahoveci për herë të dytë paraqitet në gara kontinentale. E kërkon suksesin e parë evropian.
