Kosova përsëri mposhtë Kuvajtin

Hendbollistët e Kosovës janë treguar më të mirë se Kuvajti edhe në miqësoren e dytë të zhvilluar në Podgoricë të Malit të Zi.

Në ciklin e ndeshjeve përgatitore për të përzgjedhurit e Bujar Qerimit, djelmoshat janë treguar më të mirë për herë të dytë ndaj Kuvajtit dhe me fitoren e sontme 25-22.

Sipas informatës së lëshuar nga FHK, kjo ndeshje ishte më e ashpër se e para dhe 5 minutat e fundit të miqësores nuk u zhvilluan për shkak se dy lojtarë të Kuvajtit u lënduan.

Javën tjetër miqësorja e Kosovës është ndaj Malit të Zi, me ç‘rast edhe përfundon cikli i përgatitoreve atje.