FITORE NË START!
Prizreni e nis stinorin me fitore ndaj Vëllaznimit
29 September, 2024 @15:02
Sot është luajtur ndeshja e xhiros së parë të stinorit të ri të Ligës së Parë të Kosovës në hendboll, ndërsa KH Prizreni ka shënuar fitore në derbi ndaj KH Vëllaznimit me rezultat 30-24.
Ylli Morina me 8 gola ka qenë më efikasi te prizrenasit, ndërsa me 7 gola është dalluar Ardit Dema. Te Vëllaznimi Rron Bunjaku ka dhënë 7 gola e Adis Vula ka shënuar 5 sosh.
Kështu, Prizreni e nis stinorin e ri me fitore, ndërsa në duelet tjera të xhiros takohen: sot: Ulpiana-Drita 20-63, nesër: Samadrexha-Istogu dhe Drenica-Deçani.
