Të enjten, Kuvendi i Punës

Federata e Hendbollit e Kosovës i ka bërë të gjitha përgatitjet për Kuvendin e Rregullt të Punës.
Kuvendi i Punës mbahet të enjten (nesër) prej orës 16:00 në Hotel Internacional Prishtina.

Kuvendarët do të shqyrtojnë dhe do të votojnë për raporte të shumta. Fillimisht do të shqyrtohet e aprovohet Procesverbali nga Kuvendi i kaluar. Më pas do të shqyrtohen raporti i punës së bordit për vitin 2023, raporti i pasqyrave financiare, raporti i auditimit, raporti i këshillit mbikëqyrës si dhe plani financiar dhe ai i veprimit për vitin 2024.