KICK - BOXING
Tri medalje nga kick-boksierët e Kosovës
Teksti: KOK
14 November, 2021 @10:08
Kick-boksierët tanë të rinj kanë fituar tri medalje të bronzta evropiane në Kampionatin Evropian Wako të Kick-boksit, që u mbajt në Budva të Malit të Zi, për kadet të vjetër dhe junior.
Dalmat Salihaj, kategoria -60 kg, Dardan Syla -71 kg dhe Donjeta Menxhiqi (-60 kg) u ngjitën në podium.
Salihaj, në raundin e parë kaloi pa luftë, në të dytin mundi Akbar Asadov të Azerbajxhanit, ndërsa në gjysmëfinale u mund nga rusi Zaev Danil.
Syla dhe Menxhiqi, u mundën në gjysmëfinale, ndërsa deri aty erdhën pa luftë.
KOK uron kick-boksierët tanë dhe Federatën e Kick-Boksit të Kosovës për suksesin e arritur.
