URIMI
De Biasi uron Izmir Smajlajn për suksesin historik
5 March, 2017 @21:29
Suksesi i madh i atletit shqiptar, Izmir Smajlaj, nuk i ka ikur nga sytë e përzgjedhësit të kombëtares shqiptare, Gianni De Biasit.
Smajlaj e fitoi medaljen e artë të Kampionatit Europian në kërcim për së gjati, duke bërë që të intonohet himni kombëtar në mes të Beogradit, ku u organizua Kampionati Europian.
Me këtë rast, De Biasi i ka shkruar mesazh urimi atletit shkodran, për arritjen e jashtëzakonshme.
“Izmir të përshëndes. Jam shumë i lumtur për suksesin tënd të jashtëzakonshëm të arritur në Beograd. Përqafime. FORCA SHQIPERIA!” ka shkruar tekniku italian në mesazhin e tij, bën të ditur faqja zyrtare e FSHF-së.
