ZHEGRA - VËLLAZNIMI
Vëllaznimi mposht Zhegrën si mysafir
25 February, 2017 @21:41
Skuadra e Vëllaznimit ka nisur mbarë pjesën pranverore të stinorit në Superligë të hendbollit.
Ekipi gjakovar ka triumfuar në përballje ndaj Zhegrës sot në Gjilan, duke i mposhtur ata 28-32 në fund.
Kapiteni i kuqezinjëve të Gjakovës, Isuf Leka, ishte më i dalluari me 13 gola të shënuara, ndërsa përforcimet Argjend Dreshaj dhe Vlerson Zherka shënuan nga 5 gola secili në këtë fitore.
Pas kësaj fitoreje Vëllaznimi është në pozitën e 6 me 14 pikë. Ndërsa Zhegra mbetet e shtata me 8 pikë.
