Pas humbjes së thellë nga Finlanda, Kosova luan për renditje në evropian

Kampionati Evropian për vajza të grumoshës nën 19-vjeç ka përfunduar për Kosovën sa i përket kualifikimit tutje nga grupi.

Humbja e thellë nga Finlanda mbrëmë i ka dhënë fund gjithçkaje sa i përket kualifikimit tuje, ndërsa vajzat pësuan me afro 20 gola dallim!

“Kombëtarja U19 e Kosovës në hendboll e ka humbur ndeshjen e fundit të fazës grupore të Evropianit në Prishtinë.
Vajzat tona të enjten mbrëma pësuan nga Finlanda me rezultatin 41:23. Finlandezet prej fillimit kanë shfaqur më shumë, ndërsa në rezultat kanë ndikuar edhe gabimet e shumta në Kombëtaren tonë.
Portierja Marisa Berisha u shqua me 15 pritje, por që nuk mjaftuan.
Kombëtarja jonë ka përfunduar e katërta në grupin A. Finlanda renditet e treta me 5 pikë, sa i ka edhe Sllovakia në vendin e dytë. Por Sllovakia luan në gjysmëfinale, ndërsa Finlanda luan për plasman. Ndeshje për plasman e pret edhe Kombëtaren tonë.” - shkroi njoftimi i FHK-së për ndeshjen.

Tash, Kosova U-19 do të përballet me Izraelin, në përballjet e fundit të kampionatit që përcaktojnë renditjen përfundimtare prej pozitave 5 e poshtë.

Sa i përket trofeut, ekipet më të mira do të ndeshen për pozitën e parë në evropian, pas gjysmëfinaleve që luhen të shtunën, Austria - Sllovakia dhe Italia - Polonia.◼️