EVROPIANI NË PRISHTINË
Kosova mposht Britaninë, mbanë shpresat për kualifikim
Teksti: FHK
10 July, 2023 @21:51
Kombëtarja e Kosovës ka shënuar fitore të rëndësishme në Kampionatin Evropian U19 për hendbolliste që po mbahet në Prishtinë. Të hënën mbrëma, vajzat tona fituan ndaj Britanisë së Madhe me rezultat 28:21.
Fitorja erdhi pas dy disfatave, ndërsa do të shërbejë për të rritur besimin në Kombëtare për vazhdimin e Evropianit.
Fillimi i ndeshjes ishte i barabartë, ndërsa më pas Kombëtarja jonë nisi shkëputjen në rezultat. Pas pjesës së parë rezultati ishte 13:11 në të mirë të Kosovës.
Në pjesën e dytë Kombëtarja jonë vazhdimisht ishte në epërsi. Britania e Madhe u afrua në 20:19, por pasoi shkëputje tjetër.
Portierja Selvije Mullakadrija i bëri 11 pritje. Ariona Dushica e Arona Krasniqi i shënuan nga tetë gola, ndërsa katër i shënoi Elisa Mirdita.
Të enjten Kombëtarja jonë luan me Finlandën. ◼️
TABELA AKTUALE, GRUPI A:
1. Italia 4p.
2. Sllovakia 4p.
3. Finlanda 2p.
4. Kosova 2p.
5. Britania 0p.
