Fantasy TopSporti
Të gjitha lajmet
Tabelat dhe Rezultatet

HENDBOLL

FHK vlerësohet nga kundërshtarët për organizimin e turneut kualifikues

FHK vlerësohet nga kundërshtarët për organizimin e turneut kualifikues


Nga FHK

11 June, 2021 @19:32

Federata e Hendbollit e Kosovës është vlerësuar lartë për organizimin e një tjetër ngjarjeje ndërkombëtare. Javën e kaluar në Prishtinë u mbajt turneu i grupit A të fazës së parë kualifikuese për Euro 2022 (femrat). Në Prishtinë qëndruan ekipet kombëtare të Portugalisë, Luksemburgut e Qipros.

Organizimi i bërë nga FHK-ja është vlerësuar lartë nga ekipet pjesëmarrëse. Në adresë të FHK-së kanë ardhur letra falënderimi nga Federata e Hendbollit e Portugalisë dhe ajo e Qipros. Portugezët kanë falënderuar Federatën tonë për bashkëpunimin e shkëlqyeshëm dhe për organizimin shembullor.

Ndërkohë qipriotët e kanë vlerësuar FHK-në për nikoqirllëkun dhe për organizimin e ngjarjes.

FHK-ja vazhdimisht vlerësohet lartë për ngjarjet që i organizon dhe tashmë ka besimin e plotë të EHF-së dhe IHF-së.

Në Kosova është organizuar Kampionati i IHF-së për vendet me hendboll në zhvillim, pastaj IHF Trophy për Evropë dhe ai Ndërkontinental dhe shumë turne kualifikues.


 
Të gjitha lajmet nga FHK Superliga