REPREZENTACIONI I HENDBOLLIT
Grumbullimi të premten, agjenda e Kosovës para ndeshjeve të rëndësishme
Teksti: FHK
27 October, 2021 @21:46
Kombëtarja e Kosovës në hendboll mblidhet të premten për dy ndeshjet e para kualifikuese për Botërorin 2023.
Menjëherë të premten është stërvitja e parë, në kompleksin Omni Sport në Mitrovicë. Stërvitja e parë mbahet prej orës 18.00 e deri në ora 20.00.
Në Mitrovicë, Kombëtarja jonë i zhvillon edhe dy stërvitje të shtunën e dy të dielën. Të hënën ekipi zhvendoset në Pallatin e Rinisë në kryeqytet ku i kryen dy seancat e fundit stërvitore para udhëtimit për në Turqi. Udhëtimi për në Turqi bëhet mëngjesin e së martës.
Ndeshja Turqi – Kosovë zhvillohet të mërkurën e ardhshme, më 3 nëntor, në Eskishehir.
Më 7 nëntor në Prishtinë është ndeshja Kosova – Belgjika.
Synohen dy pozitat e para në grup për të avancuar tutje, ka shkruar FHK-ja në njoftimin e saj për agjendën e reprezentacionit.
