URA E FSHEJT
Kërcimet nga Ura e Fshejt, nesër nga ora 16:00
22 July, 2017 @15:09
Me fillim nga ora 16:00, nesër në urën e lumit Drin në Gjakovë do të mbahet gara tradicionale e kërcimit nga Ura e Fshejt.
Në një prononcim për Borozani.com, Driton Rraci, i cili është organizator i garës bashkë me Artan Muhaxhirin, tregoi që deri më tash janë rreth 7-8 garues për kërcimin në stilin ‘dallëndyshe’, ndërsa mbi 10 garues në kërcimin ‘në këmbë’, por ky numër i pjesëmarrësve nuk është përfundimtar ende.
E veçantë në garën e sivjetme është fakti që pjesëmarrës do të jetë edhe Kujtim Gorani, veteran i kërcimit, i cili është rikthyer nga diaspora në Kosovë për ta përmbyllur karrierën e tij me një kërcim nga kjo urë në ditën e nesërme.
Si zakonisht, dita e nesërme pranë lumit Drin përveç garës do të shoqërohet edhe me muzikë përgjatë gjithë kohës.
