Të gjitha lajmet

HENDBOLLI KOSOVAR

Lehtësime të mëdha nga FHK dhe caktohen datat për vazhdim të garave

Foto: FHK

Lehtësime të mëdha nga FHK dhe caktohen datat për vazhdim të garave

Teksti: FHK

21 May, 2020 @13:42

Është mbajtur mbledhja e Bordit të Federatës së Hendbollit të Kosovës, nën drejtimin e kryetarit Eugen Saraçini.

Janë marrë vendime me rëndësi për sportin e hendbollit në vendin tonë. Bordi ka vendosur që kampionati 2019\2020 të vazhdojë, ndërsa janë përcaktuar edhe terminet bazë për përfundim të edicionit. Të kujtojmë që edicioni është ndërprerë në muajin mars për shkak të paraqitjes së koronavirusit.

Në Superligën e meshkujve janë zhvilluar 18 xhiro, pra pjesa e rregullt. Ndërkohë Bordi i Federatës sonë ka vendosur që skuadrat të kthehen në stërvitje në fillim të qershorit, kurse prej 13\14 qershorit të nis plejofi. Në plejof garojnë katër skuadrat e para në tabelë, Besa Famgas, Prishtina, Trepça e Kastrioti.

Më 13\14 qershor luhen gjysmëfinalet e para, ndërsa gjysmëfinalet e dyta janë më 17 e 18 qershor. Në gjysmëfinale takohen Besa Famgas me Kastriotin dhe Prishtina me Trepçën. Nëse rezultati është 1:1, shikohet goldallimi mes dy skuadrave, ndërsa nëse edhe goldallimi është i njëjtë luhen vazhdimet nga pesë minuta apo shtatëmetërshat, në bazë të rregullave të hendbollit.

Kosovo vs Estonia

Finalja luhet deri në dy fitore, apo deri sa njëra skuadër t’i mbledhë tri pikë. Pra mund të luhen tri ndeshje, kurse terminet janë 20\21 qershor, 24\25 qershor, 27\28 qershor.

Në Superligën e femrave katër skuadra kanë pikë të barabarta, Istogu, Vushtrria, Prishtina e Ferizaj. Me short do të përcaktohen çiftet gjysmëfinale. Në gjysmëfinale luhen dy ndeshje, njëjtë si në finale, kurse në rast të rezultatit të barabartë (1:1) shikohet goldallimi dhe më pas eventualisht luhen vazhdimet nga pesë minuta apo ekzekutimi i shtatëmetërshave sipas rregullave te lojës se hendbollit.

Nga Superliga largohen skuadrat e pozitës së fundit (në të dy konkurrencat) kurse skuadra e parafundit luan me të dytin e Ligës së Parë në barazh. I pari i Ligës së Parë (në të dy konkurrencat) kalon në Superligë, ndërsa për bazë merret tabela aktuale.

Në Superligën e kadeteve ka mbetur të zhvillohen dy ndeshje (Samadrexha – Prishtina, Istogu – Prishtina) për të përcaktuar kampionin. Te kadetët kampioni është përcaktuar tashmë.
Turneu final i Kupës së Republikës së Kosovës do të zhvillohet në fund të qershorit, në të dy konkurrencat.

Bordi i Federatës ka vendosur t’u dal skuadrave në ndihmë duke mbuluar shpenzimet e personave zyrtarë për ndeshjet e mbetura. Ndërkohë në edicionin e ardhshëm skuadrat do të lirohen nga kotizimi. Bordi i FHK-së njëzëri ka bërë thirrje që të respektohet vendimi i Qeverisë nga MKRS për përkrahje të sportit pas krizës së krijuar nga paraqitja e koronavirusit, per t’i ndihmuar klubet.

REPREZENTUESJA

Lëndimi i Demajt, mungesë e madhe për Kosovën

17 April, 2020 @13:22

Kapitenia dhe liderja e Kombëtares së Kosovës në hendboll, Leonora Demaj do t’i nënshtrohet një operimi dhe do të mungojë…

FINALJA E EVROPIANIT: SPANJËS

Spanja mbron titullin e Evropës

Foto: EHFEURO

26 January, 2020 @18:25

Përfaqësuesja e Spanjës në hendboll ka arritur të mbrojë titullin e kampionit të Evropës, duke e mposhtur Kroacinë në finale…

DUELI PËR VENDIN E PESTË

Gjermania fiton dhe merr vendin e pestë

eft-euro.com

25 January, 2020 @18:53

Me nga një gol epërsi në secilën pjesë të lojës, Gjermania luftoi mjaft për të siguruar pozitën e pestë në…

GJYSMËFINALJA E DYTË E EVROPANIT

Spanja s’lejoi befasi, përcaktohet finalja e EURO2020

24 January, 2020 @22:29

Përkundër se sllovenët ishin afër të befasonin në fund të ndeshjes, spanjollët nuk e lejuan këtë dhe me fitore 32-30…

HENDBOLL

Lista e plotë e afatit kalimtar dimëror në Hendboll

24 January, 2020 @21:42

Federata e Hendbollit e Kosovës, ka publikuar listën e plotë e afatit kalimtar dimëror në Superligë, Ligën e Parë dhe…

Të gjitha lajmet nga FHK Superliga