PARIS 2025 - GRAND SLAM
Nora eliminon francezen Drid në duelin e parë
1 February, 2025 @11:18
Pa shumë telashe, Nora Gjakova ka kaluar raundin e parë në kategorinë deri në 63 kilogramë në Grand Slamin e Parisit që ka nisur sot në kryeqytetin e Francës.
Nora ka mposhtur Rania Dridin nga Franca në rrethin e parë garues të kategorisë së saj, duke shënuar waza-ari e më pas edhe ippon për fitore përfundimtare.
Duhet theksuar se Nora zakonisht garon në kategorinë deri në 57 kilogramë dhe në këtë garë ka hyrë në kategori më të rëndë. Kundërshtarja e radhës për Nora Gjakovën është nga Kroacia.
Ajo më vonë do të ndeshet me Iva Oberanin që kaloi pa luftë në rrethin e dytë.
