EDHE NJË PËRFORCIM
Vjosa zyrtarizon Ardian Musliun
5 February, 2025 @10:25
Futbollist tjetër i ardhur te Vjosa në afatin kalimtar dimëror është Ardian Musliu. Mbrojtësi i krahut vjen nga Trepça’89, ndërsa Musliu dallohet për depërtimet e tij në krah dhe krosimet precize.
Musliu 27-vjeçar më parë ka laujtur edhe për Dinamon, Ulpianën e KEK-un. Vjosa, që garon në Ligën e Parë - Grupi B pjesën vjeshtore të stinorit në Ligë të Parë e ka kryer në pozitë të gjashtë të grupit të saj, ndëkaq ka 15 pikë nga 14 ndeshje dhe është më afër pjesës së rrezikshme, të rënies, sesa kreut të tabelës.
Liga e Parë e Kosovës pjesën e dytë të stinorit e nis në fundjavën e 14-16 shkurtit, ndërkaq Vjosa gjatë pranverës do të mundohet që të mbledhë sa më shumë pikë për të siguruar qëndrimin aty, pasi që nga stinori i radhës, Liga e Parë do të bëhet unike dhe nuk do të jetë e ndarë në grupe si tash.
