HENDBOLL - PLAY OFF
Prishtina e nis Play Off-in me fitore bindëse ndaj Trepçës
17 April, 2021 @23:14
Me fitore bindëse Prishtina e ka nisur serinë gjysmëfinale të plejofit ndaj Trepçës. Ndeshja e luajtur të shtunën pasdite në Pallatin e Rinisë dhe Sportit në kryeqytet, përfundoi me fitoren 40:26 të Prishtinës.
Skuadra prishtinase herët nisi shkëputjen në rezultat dhe pjesa e parë përfundoi 19:9.
Tani Prishtinës i duhet edhe një fitore ose një barazim për të kaluar në finale të plejofit.
Rron Ramadani shënoi 8 gola për Prishtinën, ndërsa Lulzim Shabani i shtoi 7 gola. Amar Mujka ishte më efikasi te Trepça me 7 gola.
Ndeshja e dytë luhet në Mitrovicë, në mesjavë.
