EURO 2022 KUALIFIKIMET: KOSOVA - SUEDIA
Suedia e fuqishme, mposht Kosovën lehtë
8 November, 2020 @18:35
Përballje e mirë e Kosovës, që u mbajt vetëm në pjesë të parë të ndeshjes ndaj Suedisë, favorite absolute për përballjen kualifikuese për EURO 2022.
Në fund, Kosova u mposht nga Suedia 16-30 [10-15, pjesa e parë]. Skandinavët ishin të shpejtë e jashtëzakonisht të fuqishëm, derisa arrinin që të dënonin kryesisht përmes kundërsulmeve si rrufe për të siguruar fitoren lehtë në fund.
Te Kosova më të dalluarit sonte ishin Kastriot Jupa me 4 gola si dhe Egzon Gjuka e Deniz Terziqi me nga 3 të shënuara secili.
Në anën tjetër, te Suedia që dominoi plotësisht në pjesë të dytë të ndeshjes Lucas Pellas ka shënuar 6, e Albin Lagergren 4 të tjera në fitore.
Tash pas dy ndeshjeve të zhvilluara në Grupin 8 kualifikues, Kosova ka zero pikë, pasi që ditë më parë u mposht edhe nga Mali i Zi 32-25.
Suedia ndërkaq vazhdon të jetë lidere e Grupit 8, me 4 pikë dhe me gol-dallim +17.
TABELA, GRUPI 8:
1. Suedia 4p, 2 ndeshje
2. Mali i Zi 2p, 1 ndeshje
3. Rumania 0p, 1 ndeshje
4. Kosova 0p, 2 ndeshje
Duelet e radhës të grupit zhvillohen në janar 2021, ndërsa Kosova luan si vendase në mars 2020 ndaj Rumanisë. Për të arritur në evropian Kosova duhet të përfundojë së paku e treta në këtë grup dhe të jetë në mesin e skuadrave më të mira që përfundojnë në këtë pozitë nga 8 grupet.
ORARI I NDESHJEVE TË KOSOVËS:
11.03.2021 Kosova - Rumania
14.03.2021 Rumania - Kosova
28.04.2021 Kosova - Mali i Zi
02.05.2021 Suedia - Kosova