TDF2018
Thomas merr etapën edhe të verdhën
18 July, 2018 @18:50
Britaniku Geraint Thomas ka arritur të kaloj në 350 metrat e fundit spanjollin Mikel Nieve i cili kishte udhëhequr etapën në ngjitjen e fundit, për të marrë fanellën e verdhë të liderit.
Etapën malore prej 108.5km, Geraint Thomas që deri dje ishte i dyti në renditjen e përgjithshme, e kaloi për 3h29’36”. Njëzet sekonda nga ai u vonuan Tom Dumoulin dhe Chris Froome.
Nieve përfundoi i pesti me 22 sekonda vonesë sa kishte edhe Damiano Caruso.
Lideri i deridjeshëm i Tour De France, Greg Van Avermaet e mbylli garën i 71-ti me 22’23” vonesë.
Nesër në program është etapa e dymbëdhjetë me tri ngjitje të kategorisë më të lartë, HC, përfshirë edhe finishin në Alpe d’Huez, 175.5km pas nisjes në Bourg-Saint-Maurice, për etapën e fundit në Alpe këtë edicion.
Renditja e përgjithshme pas 11 etapave
| 1 | Geraint Thomas | 44h06'16" | Britani e Madhe | Team Sky |
| 2 | Chris Froome | +1'25" | Britani e Madhe | Team Sky |
| 3 | Tom Dumoulin | +1'44" | Holandë | Team Sunweb |
| 4 | Vincenzo Nibali | +2'14" | Itali | Bahrain-Merida |
| 5 | Primoz Roglic | +2'23" | Slloveni | Team LottoNL-Jumbo |
