BRITISH GP
Vettel fiton në Britani
8 July, 2018 @16:57
Pesë rrathë para fundit, Sebastian Vettel tejkaloi Valteri Bottasin për të kthyer epërsinë që kishte marrë në fillim të garës për Shpërblimin e Madh të Britanisë së Madhe. Gjermani shënoi fitoren e dytë në shtegun e Silverstone, duke ndërprerë serinë prej katër fitoreve rresht të Lewis Hamilton.
Britaniku i cili nisi nga pole-position, për të mbetur në fund të garës pas aksidentit në kthesën e tretë kur u godit nga Kimi Raikkonen, përfundoi i dyti në fund. Raikkonen, ndonëse me 10 sekonda penallti të ekzekutuar në pit-stop, mbaroi i treti para bashkëkombësit të tij, Valteri Bottas i cili mbeti i katërti.
Për Ferrarin ishte kjo fitorja e gjashtëmbëdhjetë në Britani të Madhe, e para pas vitit 2011 kur kishte fituar Fernando Alonso. Spanjolli, sot mbaroi garën i teti, me bolidin e McLaren.
Në renditjen e përgjithshme, Sebastian Vettel udhëheq me 171 pikë, para Lewis Hamilton me 167 pikë, e Kimi Raikkonen me 116 pikë. Tek konstruktorët, Ferrari ka 287 pikë, para Mercedes me 267.
BRITISH GP/ RENDITJA
| 1 | Sebastian Vettel | Ferrari | ||
| 2 | Lewis Hamilton | Mercedes | ||
| 3 | Kimi Räikkönen | Ferrari | ||
| 4 | Valtteri Bottas | Mercedes | ||
| 5 | Daniel Ricciardo | Mercedes |
RENDITJA E PËRGJITHSHME
| 1 | Sebastian Vettel | Ferrari | 171 pikë | |
| 2 | Lewis Hamilton | Mercedes | 163 pikë | |
| 3 | Kimi Räikkönen | Ferrari | 116 pikë | |
| 4 | Daniel Ricciardo | Red Bull | 106 pikë | |
| 5 | Valtteri Bottas | Mercedes | 104 pikë |
