Bashkimi kalon lehtë duelin e parë ndaj Pejës

Pas pjesës së parë të fortë, Bashkimi nuk ka pasur problem që të çojë ndeshjen deri në fund dhe për ta marrë fitoren në ndeshje ndaj Pejës, në përballjen e parë të serisë gjysmëfinale të playoffit, me rezultat 81-61.

Prizrenasit fituan ndeshjen me 20 pikë dallim, ku pjesën e parë e morën me rezultat 44-31 për të menaxhuar mirë pjesën e dytë, ku në çerekun e fundit shtuan dallimin pas 24-11, për përfundimtaren 81-61. Peja dha sinjale për rikthim në lojë gjatë çerekut të tretë me 13-19, por më shumë s’arritën.

Me 18 pikë, Wendell Green ka qenë më efikasi te Bashkimii, ndërsa bëri 3 asistime. 15 pikë i dha Dirk Williams, që shtutoi 3/5 për tre pikë, ndërsa bëri 3 asistime e 3 kërcime.

Me 12 pikë lojën e mbylli Lejson Zeqiri, të cilit sot snajperi s’i punoi 0/3, por shtoi 5 asistime e 7 kërcime në fitore.

SKEMA E PLAYOFFIT dhe ORARI

Te Peja, dy lojtarë shënuan pikë dyshifrore, ku Darryl Morsell kreu lojën me 13, e Marquez Towns me 12 të tjera.

Me këtë fitore, Bashkimi merr epërsinë e serisë gjysmëfinale ndaj Pejës 1-0.

Ndeshja e radhës zhvillohet në “Karagaç”.

Fituesi i serisë bëhet ekipi që arrin së pari 3 fitore.