HENDBOLL
Edhe djemtë e Prishtinës në finale
21 May, 2021 @18:49
Pas hendbollisteve të Prishtinës, edhe hendbollistët e skuadrës nga kryeqyteti kanë siguruar finalen e Kupës së Republikës së Kosovës.
Prishtina fitoi ndaj Kastriotit të Ferizajt me rezultat 43-28.
Ndeshja e parë gjysmëfinale e hendbollistëve është luajtur të premten pasdite në palestrën e qytetit në Istog.
Pas pjesës së parë rezultat ishte 20-19 për Prishtinën, ndërsa dallimi i madh në rezultat është bërë në pjesën e dytë.
Agon Bajqinovci shënoi 12 gola për Prishtinën, ndërsa 7 i kishte Deniz Terziqi. Festim Mustafa e Hamdi Salihu i kishin nga 8 gola te Kastrioti.
Prishtina në finale luan me fituesin e duelit Trepça - Besa Famgas.
