Fantasy TopSporti
Të gjitha lajmet
Tabelat dhe Rezultatet

FHK

Eugen Saraçini rizgjedhet kryetar i FHK-së

Eugen Saraçini rizgjedhet kryetar i FHK-së


5 February, 2021 @18:58

Federata e Hendbollit të Kosovës sot pas zgjedhjes së Laureatëve të vitit 2020, ka mbajtur mbledhjen e Kuvendit për ta zgjedhur kryetarin e kryesinë për mandatin e ri.

Në këtë mbledhje, kryetari i deritashëm i FHK-së, Eugen Saraçini, mori përkrahjen e kuvendarëve për ta udhëhequr federatën edhe për një mandat katërvjeçar.

Për mandatin e tretë si president i FHK-së, Saraçini u zgjodh me shumicë absolute të votave. Ai është në krye të FHK-së që nga viti 2012, ndërsa zhvillimi i federatës sonë gjatë kësaj periudhe ishte i hovshëm.

Kuvendarët në fakt e kanë respektuar punën e bërë nga FHK-ja.

Me shumicë absolute është zgjedhur edhe nënpresidenti i FHK-së, Enis Idrizi, që ka mbajtur këtë pozitë edhe deri më tani.

Me vota të kuvendarëve, në Bordin e FHK-së janë zgjedhur Bajram Isufi, Xhavit Morina e Fatmire Ferati. Shemsa Sadikut i takon vendi në Bord i rezervuar për minoritete.

Presidenti Saraçini ka emëruar anëtarë të Bordit edhe Edi Kolgecin, Bujar Istrefin e Berat Danën

Në Këshillin Mbikëqyrës janë zgjedhur avokati i mirënjohur Destan Rukiqi, Ylli Pajaziti dhe Rafet Ferizi.

Atmosfera në Kuvendin e rregullt Zgjedhor ishte shumë konstruktive. Të gjitha raportet janë aprovuar pa asnjë vërejtje.

Prezent në Kuvendin e qetë ishin edhe përfaqësuesit e MKRS-së dhe KOK-ut, që kanë lavdëruar punën e bërë nga Federata jonë.

Para kuvendarëve presidenti Saraçini ka mbajtur një fjalim ku ka folur për sukseset e arritura në dy mandatat e kaluara si dhe për planet e synimet për mandatin e ardhshëm.


 
Të gjitha lajmet nga FHK Superliga