JAVA XVII
BOROZANI / ARKIV
Hendboll, përmbledhja e xhiros XVII
5 March, 2018 @10:31
Me përjashtim të Prishtinës, e cila e fitoi derbin e zhvilluar si mysafire e Kastriotit, të gjitha ndeshjet e tjera të xhiros së XVII në Superligën e Kosovës në hendboll janë fituar nga vendasit.
Prishtina e mposhti Kastriotin me rezultat 27-32, për ta vazhduar ndjekjen e Besës lidere hap pas hapi, ndërsa kjo e fundit këtë xhiro shënoi fitore të lehtë me rezultat 33-13 ndaj Vushtrrisë.
Në takimet e tjera, Vëllaznimi shënoi një fitore të rëndësishme ndaj Dritës në shtëpi, Samadrexha e mposhti Llapin me rezultat 31-29, derisa Zhegra e mposhti Trepçën 34-28.
Më poshtë është paraqitur tabela aktuale e Superligës pas 17 xhirove.
TABELA PAS 17 XHIROVE
| 1 | Besa | 17 ndeshje | 32 pikë | |
| 2 | Prishtina | 17 ndeshje | 32 pikë | |
| 3 | Drita | 17 ndeshje | 20 pikë | |
| 4 | Kastrioti | 17 ndeshje | 19 pikë | |
| 5 | Zhegra | 17 ndeshje | 17 pikë | |
| 6 | Trepça | 17 ndeshje | 15 pikë | |
| 7 | Vëllaznimi | 17 ndeshje | 14 pikë | |
| 8 | Vushtrria | 17 ndeshje | 13 pikë | |
| 9 | Samadrexha | 17 ndeshje | 4 pikë | |
| 10 | Llapi | 17 ndeshje | 2 pikë |
